InfoHub Logo

Сабақтың тақырыбы: «Кім жүйрік?»
Сабақтың мақсаты: Ата - аналар мен балаларды сайысқа қатыстыра отрып, олардың халық ауыз әдебиеті, салт - дәстүрі туралы білімдерін байқау. Ән - би қол өнер тәрізді халықтық өнерден хабардарлығын анықтау. Отбасы – Отанның бір бөлшегі екендігін ұғындырып, оқушыларды ынтымақ пен бірлікке, татулық пен ұйымшылдыққа тәрбиелеу.
Әдісі: Ата - аналар мен балалардан құрылған командалар арасындағы сайыс түрінде өтеді.
Көрнекілігі: ҚР - ның рәміздері, Отан, отбасы, ынтымақ, бірлік туралы мақал - мәтелдер жазылған плакаттар.
Сабақтың барысы:
Жүргізуші: Атамыз қазақ «Бала адамның бауыр еті», «Балалы үй базар» дейді. Өйткені бала өмірдің жалғасы, Отбасының жеміс берер гүлі. Отбасы бүкіл қоғамның негізі. Баланың болашақта жақсы азамат болып өсуі, жан - жақты тәрбиелі болуы отбасында берілетін ұлттық тәрбиеге тікелей байланысты. Бүгінгі «Кім жүйрік?» атты сайысына екі отбасы қатысып отырсын. Ендігі кезекте біз осы отбасылардың өнерлерін бағалайтын қазылар алқасын тағайындап алайық.
Топтарының аты: 1 - «Бірлік», 2 -«Ынтымақ»
Енді олай болса бүгінгі сайыстың бөлімдерімен танысайық.
1. Таныстыру
2. Күлдіргі жұмбақ
3. Жарнама
4. Не істеуге болмайды?(сұрақ - жауап)
5. Кім жылдам?
1. Шарды жару
2. Ине сабақтау
3. Қапшықпен секіру
4. Асық ату
5. Арқан тарту
Міне бүгінгі біздің «Кім жүйрік?» атты сайысымыздың жоспары.
Ендеше төрт көзіміз түгел болсақ, сайысымызды бастасақ
Сайыскерлер келіп жетті танысуға
Сыпырды томағасын осы дұға
Қызып келген қырандай керілтеді
Әдеппен, ізетпен дегендей 1 бөлім. Таныстыруға кезек берсек. Қатынасып отырған командалар өз құрамдарын таныстырып өтсе. Келесі кезекті Жарнамаға береміз. Үйден дайындалып келген тағамды жарнамалау.
Ендігі кезекте сайысқа қатынасып отырған сайыскерлеріміздің білім деңгейін байқау үшін Күлдіргі жұмбақтар бөліміне кезек берсек:
1. Кім барлық тілде сөйлейді?
(Жаңғырық)
2. Тышқан аулағышты 5 әріппен қалай жазуға болады?
(Мысық)
3. Дүниедегі ең шапшаң нәрсе не?
(Ой - қиял)
4. Егер түнгі сағат 12 - де жаңбыр жауса мұнан соң 72 сағаттан кейін күн ашылып, шуақ түседі ме?
(Жоқ, бұл түн мезгілі)
5. Қандай кезде аспан жерден төмен тұрады?
(Аспан суреті судан көрінген кезде)
6. Қандай бөшкеге су құюға болмайды?
(Іші толы бөшкеге)
7. Үш түйе құс ұшып келе жатты, аңшы олардың бірін атып алды, нешеуі қалды?
(Түйе құс ұшпайды)
8. Қосарланып жегілген ат 1 сағат ішінде 12 км жол жүреді, осы уақыттың ішінде бір ат қанша жол жүріп тұр?
(12 км)
9. Қандай үш санның көбейтіндісі оның қосындысына тең?
(1, 2, 3)
10. Не нәрсе сенің меншігің? бірақ оны сенің өзіңнен көрі басқалар көбірек айтады?
(Сенің есімің)

3 - бөлім. Не істеуге болмайды??
«Жалғастыр» ойыны арқылы шапшаң үн қатуларыңыз керек
1 - топқа

1. Үлкендер...
2. Бейуақытта...
3. Ауызды...
4. Есікті...
5. Қатты дауыс...
2 - топқа
1. Үлкендер...
2. Аналарды...
3. Қателігіңді...
4. Досқа...
5. Үлкендердің

4 - бөлім. «Кім жылдам?». Бұл бөлімде ата - аналармен балалардың спорттық шапшаңдығын байқаймыз.
1. Шарды жару
2. Ине сабақтау
3. Қапшықпен секіру
4. Асық ату
5. Арқан тарту

Сайыс соңы:
Мінекей біз бүгінгі сайысымыздың мәресіне жеткен секілдіміз, ендігі кезекті қазылар алқасына берсек.
Жеңіске жеткен командаларды бағалап, сыйлықтарын тарту етсін!