InfoHub Logo

Колумбияда танымал әнші Йейсон Хименес пен оның музыканттары әуе апатынан қаза тапты. Бұл оқиға 10 қаңтар күні Пайпа қаласында орын алды. Әуе апатының себебі ретінде ұшақтың ұшу кезінде жылдамдық ала алмай, жерден көтеріле алмауы көрсетілуде.

Бұл туралы Infohub.kz ақпарат агенттігі хабарлайды.

Трагедияның мән-жайы

Жеке ұшақта алты адам болған: екі ұшқыш және төрт жолаушы. Ұшақ Хуан Хосе Рондон аэродромының жанында апатқа ұшырады. Хименес бір күн бұрын Малага қаласында концерт беріп, Пайпаға демалуға келген еді. Ол Медельин әуежайына жетіп, Маринильядағы келесі концертіне ұшуды жоспарлаған болатын.

Йейсон Хименес туралы

Йейсон Хименес 1991 жылы 26 шілдеде Мансанарес қаласында дүниеге келген. Ол 70-ке жуық әннің авторы әрі орындаушысы ретінде танымал болды. Оның Aventurero, Tenías Razón, Ya no mi amor сияқты әндері көпшілікке кеңінен танылды.