Өз атыңды қалай табуға болады
— Әпенді, сапарға шығып, басқа елдерді көргің келсе, бізбен бірге жүр, — дейді бірде саудагерлер. Қожа қуанып, көршісінен ат сұрап мініп, жолға шығады.
Кешке қарай түнеуге аялдап, аттарды жайылуға бос жібереді. Таңертең Әпендінің мазасы қашады. Жылқылардың ішінен өзі мініп келген атты айыра алмайды. Білместігіне ұялып, қулыққа кешіпті. Мылтықты оқтап:
— Аттардың ішіне бөтен ат кіріп кетіпті ғой. Барып атып тастайын, — дейді жылқыға қарай бет алып.
Мұны естіген саудагерлер әрқайсысы өз атын аулақ әкетпек болып, тұра жүгіреді. Ең соңында бір ат қалады. Әпенді сонда ғана осы атпен келгенін есіне түсірген екен.
You Might Also Like
-
Бір күні Қожанасыр үйін сатпақ болады, бірақ иелік қағазда бір шарт жазылуы қажет екен. Бұл шарт бойынша, үлкен бөлмедегі шеге Қожаның иелігінде қалады. Бұл шегені Қожа өз қалауынша пайдалана алады.
