InfoHub Logo

Көп пәтерлі үйлердің тұрғындарының басым бөлігі пәтер иелері кооперативтерінің (ПИК) міндеттерінің тізбесіне қатысты ақпараттан бейхабар, ол ПИК міндеттерін орындау сапасын бақылаудың жоқтығына әкеледі.

Бірінші кезекте тұрғындардың өздері өз үйін адамдардың тұру сенімділігі мен қауіпсіздігін, ортақ мүліктің сақталуын және қоршаған ортаны қорғауды қамтамасыз ететін дұрыс жағдайда ұстау үшін үйге қызмет көрсетуге белсене қатысуы тиіс.

ПИК деген не?

ПИК – кондоминиум объектісінің ортақ мүлкін бірлесіп басқару үшін үй-жайлардың (пәтерлердің) меншік иелері құратын коммерциялық емес ұйым. Яғни, көп пәтерлі үйде немесе аула және коммуникациялары бар бірнеше үйлерді біріктірумен тұрғындар (пәтер иелері) құрған ұйым.

Егер ревизиялық комиссия ПИК қызметіндегі өрескел бұзушылықтарды анықтайды – сотқа жүгініңіз, сондай-ақ тұрғындар жалпы жиналыста ПИК басқарма мүшелерін қайта сайлауға құқылы. Егер ревизиялық комиссия тұрғындар сенімін ақтамаса, аудиторлық тексерісті жүргізу керек.

Басқарма мүшелері (құрылтайшылар) – құрылтайшылар жиналысында тұрғындардың мүдделерін қорғайтын екі және одан да артық тұлғалар. Басқарма мүшелері өз кондиминиумындағы барлық кемшіліктерді білетін аталмыш үйде ұзақ уақыт бойы тұратын, тұрғындардың басым бөлігі сенетін бастамашыл адамдар болуы тиіс.

Ревизиялық комиссия – үй тұрғындарының басым бөлігі сенетін, пәтер иелерінің жалпы жиналысында таңдалған тұлғалар. Бірақ олар: құрылтайшылар отбасының мүшелері, басқарма мүшелерінің өздері (құрылтайшылар) немесе ПИК құрылтайшыларымен бірге тұратын пәтер иелері болмауы керек. Егер кооператив он адамнан аз адамды біріктірсе, ревизиялық комиссияның орнына ревизор таңдалуы мүмкін. 

ПИК міндетті төлемдерді кешіктіруде әр кешіктірілген күн үшін жылдық 5,5% мөлшеріндегі өсімпұл есептеледі. Егер тұрғын төлемнің белгіленген күнінен кейін үш айдың ішінде мерзімі өтуін негізді себептерсіз төлеуден бас тартса, кооператив қарызды мәжбүрлеп төлету туралы сотқа жүгінуге құқылы.

ПИК қандай қажеттіліктерге қосымша төлем сұрата алады?

ПИК өзінің негізгі міндеттерінен басқа үй, аула немесе ауданды көгалдандырумен байланысты қосымша қызметтерді көрсете алады. Қосымша қызметтерді көрсетуге ПИК ақшалай қаражатты жинауға бастама болуға құқылы, қосымша алымдар мөлшерін жалпы жиналыста үй тұрғындары талқылайды. ҚР заңнамасы «Түрғын үй қатынастары туралы» ҚР Заңының 31-бабының 8-тармағына сәйкес ағымдық, күрделі жөндеуге екінші деңгейдегі банктердегі ақша қаражатын жинау ретінде осындай алымдарды көздейді.

Мемлекет кондоминиумның әр объектісіне банктердегі ағымдық шоттарды ашуды міндеттейді, оған тұрғындардың ғимарат (пәтер) иелерінің жиналысында анықталатын, бірақ 0,02-есе айлық есептік көрсеткіш мөлшерінен кем емес мөлшерде тұрғындардың ай сайынғы төлемдері аударылады.

ПИК төрағасы орнына кімді таңдаған жөн?

Шын мәнінде ПИК төрағасы – бұл тек ақша жинаушы және жиналыстар ұйымдастырушысы емес. Негізінен қызмет жұмысы техинкалыққа жатады, сол себепті төраға жұмысты техникалық жағынан түсіну, белгілі бір білімдерге ие болуы тиіс.

«Тұрғын үй инспекциясы ұсынатын үй-жай иелері (пәтерлер) кооперативі басқармасының кандидатурасына қойылатын біліктілік талаптарын бекіту туралы» ҚР Тұрғын үй-коммуналдық шаруашылығы және құрылыс істері жөніндегі агенттік төрағасының бұйрығына сәйкес кооператив басқармасының төрағасына кандидат:

– тиісті мамандық бойынша жоғары (немесе жоғарыдан кейінгі) білімі болуы;

– кондоминиум объектілеріне қызмет көрсету саласында екі жылдан кем емес жұмыс тәжірибесі және (немесе)бес жылдан кем емес ұйымдағы басқарушы лауазымдарда бес жылдан кем емес жұмыс өтілі болуы;

– оған жұмыста керек Қазақстан Республикасының қолданыстағы заңнамасын білуі;

– көпшілік сөз сөйлеулер, ресми келіссөздер жүргізу, бақылау және жұмысты жоспарлау, басқару шешімдерін іске асыру және жедел қабылдау дағдыларына ие болуы тиіс.

ПИК міндеттеріне не кіреді?

ПИК шығындары тұрғындардың жиналысында бекітіледі (пәтер иелерінің), сол себепті үй тұрғыны ай сайынғы төлем алынатынын және ПИК қандай жұмыстарды орындайтынын білу үшін жиналысқа қатысуы тиіс.

Үйлер, қабаттар, кіреберістер саны, құрылымдық ерекшеліктер, алаңдар және үй маңы аумағын көгалдандыру және құрылыстың өзге де жеке ерекшеліктеріне байланысты олардың техникалық жағдайды және физикалық тозу деңгейі кондоминиумдердің ортақ мүлкін ұстауға шығындар тізбесі ерекшеленуі мүмкін.

Жарналар мөлшері үй иелерінің жалпы жиналысындағы әзірленген жобалық-сметалық құжаттама негізінде анықталады.

ПИК міндеттеріне мыналар кіреді:

 

1. Ағымдық жөндеуге қызмет көрсету:

– жапсарларды үйлестіру, шұңқырларды және қабырғалардағы жарықты бітеу (өтінімдер бойынша);

– шатырдан ағуды жою бойынша жұмыстардың барлық түрлері (толық ауыстырудан басқа);

– барлық бөлмелердегі сылау-бояу жұмыстарының барлық түрлері (жылына бес рет);

– шарбақтарды жөндеу, сынған шыныларды алмастыру және кіреберіс есіктерді жөндеу.

2. Жылыту жүйелеріне қызмет көрсету:

– жылыту жүйелерін жөндеу және пайдалану жүргізіледі;

– жылыту жүйелерін қосу және ағыту (күз, көктем, апатты, режимдік);

– жылыту жүйелерін маусымдық сөндіру (көктемде), маусымдық ағыту кезінде жылыту жүйелерінің жағдайын тексеру;

– режимдерді іске қосуда және өзгертуде жылыту жүйелерін реттеу;

– жылыту жүйелеріндегі кішігірім ақауларды жою (жылу изоляциясының қалған учаскелерін бекіту, беттік қабат, ағуды жою, лай тұрғыштарды тазалау, қақтан және тұз тұнбаларынан  бекіту және реттеу арматурасын тазалау, босаған тарату магистралдық құбыр жолдары астындағы тіректерді бекіту);

– құбыр жолдарын жылулықпен оқшаулау;

– жылыту жүйелерін гидравликалық шаю.

3. Сумен қамту түйіндеріне қызмет көрсету:

– қысым температурасын өлшеумен, араласу коэффициентімен айына 2 рет жеке жылу бөлімдерін тексеру;

– жылу маусымының басталуы және аяқталуы бойынша ыстық сумен қамту режиміне ауысу;

– бітеу және реттеу арматурасының төсемелерін алмастыру;

– 1 метрден артық емес суық, ыстық сумен қамту құбыр жолдарының жекелеген учаскелерін алмастыру;

– лай тұнғыштарды, бітеу және реттеу арматурасын қақтан және тұз қалдықтарынан тазалау;

– кедергішті органдарды алмастыру (пысылдауықтар, стақандар, шайбалар) және қажеттілігі болғанда оларды түзеу;

– ағуды жою;

– қозғалған тіректерді бекіту.

4. Санитарлық-техникалық тораптарға қызмет көрсету:

– жертөледегі канализацияны тазалау;

– бұрандалы қосылыстардағы ағуды жою;

– тетіктегі шарпыларды толтыру;

– әр түрлі саңылауларды пісіру;

– жер асты бөлмелерінен суды ағызу;

– бөгеттердегі суық, ыстық сумен қамту тұрықтарының учаскелерін алмастыру;

– жер асты бөлмелерін және басқа жалпы пайдалану орындарын дератизациялау, дезинфекциялау, дәрілеу қызметтерін шақыру және төлеу.

5. Электр-техникалық қамтамасыз етуге қызмет көрсету:

– бас тарату қалқанындағы жанған сақтандырғыштарды алмастыру;

– кіреберістерді жарықпен қамтамасыз ету, бірінші қабаттағы және шатырдағы электр шамдарын ауыстыру;

– апаттық-диспетчерлік қызметті шақыру және қызметтерін төлеу (шарттар және өтінімдер бойынша);

– бас тарату қалқанындағы және қабаттық қалқандағы ноль фазалы жанып кеткен сымдарды қалпына келтіру;

– кезекші жарыққа кернеуді беру;

– кезекші жарықтан ажыратқыштарды алмастыру.

6. Үй маңындағы аумақты тазалау  

– тұрғын үйден жаңбыр суларын бұруды, су бұру құрылғыларынан дұрыс жағдайды қамтамасыз ету;

– қарды шығару, жүргінші жолдарындағы қақтарды жою, қысқы маусымда тротуарларға құмды дайындау және құю;

– қоқыс шығаруды шақыру және төлеу;

– гүлзарларды тазалау, оларды шабу;

– шатырды қоқыстан, ластанудан және жапырақтардан тазалау.

7. Әкімшілік міндеттер:

– бөлме (пәтер) иелерінің жиналыстары, жазбаша сауалнамаларын өткізуді ұйымдастыру, соның ішінде қызмет көрсету сапасы бойынша өтініштер мен шағымдарды қарау;

– Қазақстан Республикасының тұрғын үй заңнамасына сәйкес кондоминиум объектісінің мазмұны және басқарумен байланысты техникалық құжаттамалар, сондай-ақ бухгалтерлік, қаржылық, салықтық және статитистикалық есепке алу мен есептілік құжаттамаларын жүргізу;

– егер ол тұрғындардың  үй коммуникацияларының кем дегенде бірін пайдалануға кедергі жасайтын техникалық жұмыстарды өткізу туралы  хабардар ету;

– кондоминиум объектісіне ағымдық және жинақтау шоттарын ашу;

– жасалған шарттарға сәйкес сервистік қызметтің субъектілері, мердігерлердің жұмыстары мен қызметтерін қаржыландыру (жұмыстардың, қызметтердің процесіне қатысушылар);

– пәтер иелері, сондай-ақ жалға берушілерді тіркеу есебіне алу.

ПИК қандай есептер ұсынуы тиіс

ПИК жұмысы пәтер иелері үшін неғұрлым айқын болса, басқарма төрағасы пәтер иелерінің сұранысы бойынша ақша қаражаттарын пайдалану туралы есепті тоқсанына бір реттен кем емес ұсынуы тиіс. Есептің қорытындылары үй тұрғындарының жалпы жиналысында жарияланады.

Сондай-ақ тұрғындар ревизиялық комиссиядан кооперативтің қаржы-шаруашылық қызметін тексеру актісін талап етуге құқылы. Ревизиялық комиссия кооператив басқармасының жыл сайынғы есебі бойынша және табыстар және шығындардың басқарма ұсынған жылдық сметасы бойынша қорытынды береді.

Дереккөзі: egov.kz

---