InfoHub Logo

Қазақстанның халықаралық ақпарат агенттігі ҚазТАГ АҚШ-тың Қазақстандағы елшілігі мен елші Джули Стаффтқа ашық хат жолдады. Хатта Freedom Holding Corp. компаниясының АҚШ-тың Бағалы қағаздар және биржалар комиссиясына (SEC) ұсынған қаржылық есептілігіндегі сәйкессіздіктер туралы айтылады.

Бұл туралы Infohub.kz ақпарат агенттігі хабарлайды.

Freedom Holding Corp. компаниясы 31 наурызда аяқталған қаржы жылында 153 миллион доллар таза пайда тапқанын мәлімдеген. Алайда, 4 маусымда Петропавловск қаласындағы сот процесінде «Фридом Финанс» АҚ (Freedom Holding Corp. құрамындағы компания) өткен қаржы жылында 613 миллион доллардан астам шығынға ұшырағанын мойындады. Бұл сома компанияның есептілігінде көрсетілген пайдадан төрт есе көп және SEC ұсынған құжатта мүлдем көрінбейді.

АҚШ заңнамасын бұзуы мүмкін бе?

ҚазТАГ агенттігінің мәліметінше, бұл жағдай Freedom Holding Corp. компаниясының 2002 жылы АҚШ президенті Джордж Буш-младший қол қойған Сарбейнз-Оксли заңын бұзуы мүмкін екенін көрсетеді. Аталған заң бойынша, қаржылық есептілікке жалған ақпарат беру үшін 5 миллион долларға дейін айыппұл немесе 20 жылға дейін бас бостандығынан айыру жазасы қарастырылған.

Елшіліктен не сұралды?

АҚШ-тың сөз бостандығы мен демократиялық құндылықтарды қолдайтынын ескере отырып, ҚазТАГ агенттігі елшіліктен осы ақпаратты АҚШ-тың Бағалы қағаздар және биржалар комиссиясына (SEC) жеткізуді сұрады.