InfoHub Logo

Ресейде танымал комик әрі сценарист Семен Слепаковқа қатысты қылмыстық іс қозғалды. Ол бұған дейін Ресейде шетелдік агент деп танылған болатын. Мәскеу қалалық прокуратурасының баспасөз қызметінің хабарлауынша, комиктің әлеуметтік желіде тиісті белгісіз материалдар жариялауы себеп болған.

Бұл туралы Infohub.kz ақпарат агенттігі хабарлайды.

Не болды?

46 жастағы Слепаков шетелдік агент ретінде қызмет атқару тәртібін бұзғаны үшін бұған дейін екі рет әкімшілік жауапкершілікке тартылған. Алайда, 2025 жылдың қазан айынан бастап Ресейден тыс жерде жүргеніне қарамастан, ол әлеуметтік желіде өзінің шетелдік агент мәртебесін көрсетпей, хабарламалар мен материалдарды жариялауды жалғастырған.

«Прокурорлық тексеру материалдары Ресей Федерациясының шетелдік агенттер туралы заңнамасында көзделген міндеттерден жалтару» (ҚР ҚК 330.1-бабы, 2-бөлігі) бойынша қылмыстық қудалау мәселесін шешу үшін тергеу органына жіберілді. Олардың қарастырылу нәтижелері Мәскеу прокуратурасының бақылауында», - делінген хабарламада.

Бұл шешім шетелдік агенттер туралы ресейлік заңнаманың талаптарына байланысты қабылданды. Бұл заңнама тиісті материалдарды жариялайтын тұлғаларды олардың мәртебесін көрсетуге міндеттейді. Бұл ережелерді бұзу әкімшілік және қылмыстық жауапкершілікке әкелуі мүмкін.

Басқа комиктермен болған жағдайлар

Слепаковпен болған дау Ресейдегі басқа да комиктермен орын алған шулы оқиғалар аясында өрбуде. Мысалы, бұған дейін қазақстандық танымал әртіс Нұрлан Сабуров Ресейге 50 жылға кіруге тыйым салынған болатын. Ол Мәскеудегі Внуково әуежайында Дубайдан оралғаннан кейін ұсталған еді. Сабуров Дубайға тегін депортациядан бас тартып, Қазақстанға билет сатып алған. Ол 7 ақпан күні таңертең Алматыға келді. Сабуровтан кейін «ЧБД» бағдарламасының тағы бір қатысушысы Алексей Щербаков та Алматыға ұшып келді.

Заңгер Александр Хаминскийдің айтуынша, Сабуровқа салынған тыйым оның Ресей саясатына қатысты ұстанымын жария түрде өзгерткен жағдайда алынуы мүмкін. Әртіске кіруге тыйым салу шешімі оның Украинаға қарсы соғысты сынауымен, «ресейшіл емес пікірлерімен» және көші-қон мен салық заңнамасын бұзуымен байланыстырылады. Сабуровтың өзі әзірге бұл жағдайға түсініктеме бермейтінін және барлық мәселені заңгерлерге қалдыратынын айтты.

Естеріңізге сала кетейік, 2021 жылы Мәскеу соты стендап-комик Идрак Мирзализадені азаматтар арасындағы араздықты қоздырғаны үшін 10 тәулікке әкімшілік қамауға алған болатын. Бұл наурыз айындағы YouTube-шоудың «Разгоны» шығарылымындағы сөзінен кейін болды.