InfoHub Logo

Менің шығармашылықтағы тақырыбым: Технология пәнінде оқытудың жаңа технологиясын қолданып, оқушылардың шығармашылығын, ізденімпаздығын қалыптастыру

“Еліміздің ертеңі-бүгінгі жас ұрпақтың қолында, ал жас ұрпақтың тағдыры-ұстаздардың қолында.”
Н. Ә. Назарбаев.

“Халықтың кемеліне келіп, өркендеп өсуі үшін, ең алдымен азаттық пен білім қажет,”- деп Ш. Уалиханов айтып кеткендей, еліміздің өсіп-өркендеуі үшін өмірде жас ұрпақты тәрбиелеп, білім нәрімен сусындатар ұстаздың ұстаздық орны ерекше болмақ.
“Ұстаз болу-жүректің батырлығы,”- деп Ғафу Қайырбеков ақын айтқандай, мен де өз білімімді іс-тәжірибемде үздіксіз ізденудің арқасында жаңа педтехнологиялық элементтерді сабақта пайдалану мақсатында шығармашылық жұмысымды ұсынғым келіп отыр.
Шығармашылықтағы тақырыбым: Технология пәнінде оқытудың жаңа технологиясын қолданып, оқушылардың шығармашылығын, ізденімпаздығын қалыптастыру.

Мектептің білім стандартын болашаққа ала отырып, технология пәнін оқытудағы негізгі мақсатым:
Білімділік: Оқушыларға сапалы білім беру, жан-жақты жетілдіру.
Дамытушылық: Оқушылардың белсенділігін, шеберлікке, іскерлікке деген қызығушылығын арттырып, ойлау қабілетін шыңдау және шығармашылығын дамыту.
Тәрбиелік: Шапшаңдыққа, жауапкершілікке, ынтымақтастыққа тәрбиелеу.
Технология пәнінің сапасын, білім деңгейін, шығармашылық ойын, ізденімпаздығын жетілдіру мақсатында мен жаңашыл технологиялардың көптеген әдістерін кеңінен қолданамын және бір-бірімен оқыту үрдісінде тығыз байланыста. Технология пәні шығармашылық деңгейде өтілетін сабақ болғандықтан Жанпейісованың модульдік блокты жүйе бойынша оқыту технологиясын қолдандым.

Оқыту модулінің ерекшелігіне байланысты, күнтізбелік жоспарды Жанпейісованың модульдік технологиясына сүйене отырып, оқу модулінің мазмұнын оқшау әдістерімен құрдым.