InfoHub Logo

Білім беру саласы: «Таным»
Бөлімі: Қарапайым математикалық ұғымдарды қалыптастыру.
Өтпелі тақырып:«Бізді қоршаған әлем»
Апта тақырыбы:«Электроника әлемі. Байланыс құралдары»
Тақырыбы: «Үлгі бойынша санау. 1. 2. 3. 4. 5 цифрлары туралы өткенді пысықтау. Кеше, бүгін, ертең, шар, текше.»
Мақсаты: Үлгі бойынша санауға және дәл сондай заттар санын айтып білуге үйрету. Екі топтағы заттарды салыстыру. Кеше, бүгін, ертең түсініктерін айыра білу және осы сөздерді дұрыс қолдануға үйрету. Шар, текше сияқты геометриялық фигуралармен таныстыру.
Алдын - ала жүргізілетін жұмыс: «Кеше», «Бүгін», «Ертең» ұғымдар, шар, текше туралы түсініктерін кеңейту.
Әдіс - тәсілдер: Сұрақ - жауап, түсіндіру, көрнекілік, практикалық, ойын, демонстрациялық.
Қостілдік құрам: бір - один, екі - два, үш - три, төрт - четыре, бес - пять.
Олай болса балалар қонақтармен амандасайық.
Жылулық шеңберінде бір - біріміздің жүзімізді көреміз.
Бір - бірімізге шаттық сыйлап жүрегіміздің жылуын береді екенбіз.
Ал енді балалар, жақсы көңіл - күйімізбен орнымызға отырайық. Оқу қызметін бастамас бұрын өткен оқу қызметін есімізге түсірейік.
Өткен оқу қызметінде сандарды реттік санау, және «кең», «тар» тақырыбын өткенбіз.
Балалар, мына суретке қараңдаршы, ненің суретін көріп тұрсыңдар?
Мына аяқ киім тар, мына аяқ киім кең.
Балалар, бір жылда неше мезгіл бар?
Қане кім айтады?
Қазір жылдың қай мезгіл?
Қыс мезгілінің қай айы екен?
Бір аптада неше күн бар?
Неше күн балабақшаға келеміз?
Неше күн демаламыз?
Бүгін аптаның нешінші күні?
Дұрыс айтасыңдар, маған ата - анасының жеті баласын айтып беріңдерші?
Балалар, біз апта күндерін жақсы біледі екенбіз, бүгінгі оқу қызметінің тақырыбы « Үлгі бойынша санау. 1. 2. 3. 4. 5 цифрлары туралы өткенді пысықтау. Кеше, бүгін, ертең, шар, текше»
Балалар, орманға барғыларың келе ме? Олай болса қолымызға себетті алып, саңырауқұлақ теруге орманға барайық. Көзімізді жұмамыз. Орманға келдік, көзімізді ашайық. Енді саңырауқұлақты алдарыңдағы ыдыстан іздеп себетке саламыз. Неше саңырауқұлақ тердіңдер?
Қоянның кіруі:(қорап алып келеді) Сәлеметсіздер ме балалар...
Мен сендерге тапсырмалар алып келдім.
Қоян сендерге бүгін көп тапсырма алып келіпті Бәріміз бірге сол тапсырманы орындайық.
Олай болса барлығымыз тақтада ненің суретін көріп тұрмыз?.
Барлығымыз бірге санайық.
Енді керісінше санайық
Алдарыңнан не көріп тұрсыңдар?
Олай болса бірінші қатарға цифрларды қоямыз.
Қане барлығымыз бірге
Цифрларды санайық.
Екінші қатарға доптарды қоямыз. Доптардың пішіні қандай?
Неше доп екен барлығымыз бірге санайық.
Енді қараңдар мен 5 цифрын екінші қатарға қойдым, ал допты алып бірінші қатарға қойдым. Орындары ауысты ма?
Ал цифрлары ше?
Ойын«Жоқ санды табу»
1, 3, 4, 5
Ендеше заттардың орындары ауысқанымен цифрлары өзгермейді екен. Өте жақсы Осы сандарға байланысты қандай санамақтарды білесіңдер?
Өте жақсы жауап бердіңдер.
(Ал енді балалар саусақтарымызбен қимылдар жасап дем алып алайық).
Сергіту сәті:
Бас бармағым біреу,
Балаң үйрек екеу.
Ортан терек үшеу,
Шылдыр шүмек төртеу.
Кішкене бөбек - бесеу.
- Мынау қандай бұрыш?
- Ал бәрін бір сөзбен қалай атаймыз?
Дұрыс айтасыңдар. Қоянның тапсырмасы ұнады ма?
2 – тапсырма:
Тақтада көріп тұрғандарын геометриялық денелер. Шар ол дөңгелек, оны домалатуға болады. Шарға доп, моншақ, шырша ойыншығы ұқсас келеді.
Ал текше төрт бұрышты, бір орында тік тұрады, оны қозғалтуға болады деп текшелермен мұнара жасау бірінің үстіне қойып. Текшеге теледидар, үстел ұқсас келеді. Текше Шар сияқты дөңгелей алмайды, өйткені оның бұрыштары бар.
Дәптермен жұмыс: Шар мен текшені ұқсас заттармен сызып қос.
Берілген заттардың ішінен текше мен шарға ұқсайтын заттарды сәйкестендіріп, сызу.
Қорытындылау:
Біз не үйрендік?
Сұрақ - жауап арқылы оқу - қызметін қорытындылау.
Балаларды мадақтау.

Атырау қаласы Бірлік ауылы
№35 «Балақай»
бөбекжай - бақшасының тәрбиешісі
Тынысбаева Бибигуль Жемековна