Үш саңырау
Бір үйде үш саңырау тұрыпты: қызы, әкесі, шешесі.
Бірде шал атын суғаруға құдыққа барады. Құдық басына бір жас жігіт келеді. Ол келе:
— Ата, ассалаумағалейкум, — деп амандасады. Сонда шал:
— Жоқ балам, бұл менің өз атым, әкемнен қалған, бермеймін, — деп жатып кеп дауласады. Сосын үйіне келіп жаңағы болған оқиғаны айтады. Бір жас жігіт атыма жармасып, әзер құтылдым дейді. Сонда кемпірі:
— Ыстық берсем, ыстық берді дейсің, суық берсем, суық берді дейсің, сенің қай бабыңды табайын, — депті. Сонда осы әңгіменің бәрін естіп отырған қызы:
— Қай байға берсең, о байға бер, күйеу таңдап отырғаным жоқ, — депті.
You Might Also Like
-
Ішімдікпен ауыл-үй қонып жүрген бір шаруашылық қызметкері бір күні үйіне жап-жақсы ішіп келіпті. Ол шала мас болып, қыза-қыза лепіре сөйлеп, әр сөздің басын бір шалып, өзінше сөзіне қисын, тіліне т...
-
Айжарық бір жолы алыстап келе жатып, жол-жөнекей отау үйіне түсіп, сусын ішіп шықпақ болады. Үйде жан жоқ екен. Қараса, бір кесе айран тұр. Айжарық оны сарқып ішіп, үйден шыға берді. Сол кезде тезе...
