InfoHub Logo

Kúndelikti sabaq jospary, geografıa 8 synyp
Taqyryptar:
21 - sabaq. Qazaqstannyń klımaty. Klımat qalyptastyrýshy faktorlar. Kún radıasıasy.
22 - sabaq. Atmosferanyń sırkýlásıasy. Aýa massalary. Aýanyń qysymy jáne jelder. Qazaqstan aýmaǵynda aýa temperatýrasynyń taralýy
23 - sabaq. Qazaqstan aýmaǵynda atmosferalyq jaýyn-shashynnyń taralýy. Klımattyń adam ómiri men sharýashylyq áreketine tıgizetin áseri.
24 - sabaq. Agroklımattyq qorlar. Pavlodar oblysynyń klımaty jáne klımat qurýshy faktorlar.
25 - sabaq. №4 Saramandyq jumys. Qaıtalaý sabaǵy

Synyp: 8
Taqyryby: Qazaqstannyń klımaty. Klımat qalyptastyrýshy faktorlar. Kún radıasıasy.
Bilimdilik. Oqýshylarǵa Qazaqstan klımatynyń erekshelikterin túsindirý. Klımat qurýshy faktorlar týraly bilimderin júıeleý jáne «kún radıasıasy» uǵymyn qalyptastyrý. Kún radıasıasynyń túrlerimen (týra, shashyrandy, jıyntyq) tanystyrý. Qazaqstan aýmaǵynda kún radıasıasynyń taralý zańdylyqtaryn túsindirý.
Damytýshylyq. Qazaqstan aýmaǵyndaǵy jıyntyq kún radıasıasynyń kartasy men fızıkalyq kartasyn salystyryp, sáıkestendirý arqyly ıkemdilikteri men daǵdylaryn damytý..
Tárbıelik. Óz otany týraly bilimderin tereńdete kele, otansúıgishtik qasıetterin artyrý, geografıalyq mádenıetke tartý.
Sabaq túri: aralas sabaq
Sabaqty uıymdastyrý formasy: frontaldi
Sabaqty júrgizý ádis - tásilderi: reprodýktıvti, problemalyq
Qural - jabdyqtar: Qazaqstannyń fızıkalyq kartasy, Qazaqstan aýmaǵyndaǵy jıyntyq kún radıasıasynyń kartasy
Negizgi uǵymdar: klımat, klımat qalyptastyrýshy faktorlar: geografıalyq endik, aýa massalary, klımatqa muhıttar men aǵystardyń, jer bederi men bıiktiktiń áseri
Nomenklatýra:

Sabaqtyń barysy:
1. Uıymdastyrý kezeńi
Oqýshylarmen amandasý. Túgendeý. Sabaqqa daıyndyǵyn tekserý. Psıhologıalyq daıyndyǵyn tekserý.
2. Jańa taqyrypqa kóshý kezeńi
Burynǵy ótken synyptardy eske túsirý suraqtary:
1) Klımat degenimiz ne? Ol qandaı klımat qurýshy faktorlarǵa táýeldi? Klımattyń qalyptasýyna geografıalyq endik pen jer bederiniń roli qandaı?
2) Qazaqstan qandaı klımattyq beldeýde ornalasqan? Qazaqstan aýmaǵynyń muhıttardan alys ornalasýy onyń klımatyna qalaı áser etedi?

3. Jańa taqyrypty meńgerý kezeńi.
Suraqtarǵa jaýap ala otyryp, oqýshylardy klımattyń qalyptasý sebepterin, klımat qurýshy faktorlar arasyndaǵy sebep - saldar baılanystaryn ashýǵa úıretedi. Qazaqstan klımatynyń ereksheligine sıpattama beredi: Qazaqstan klımaty shuǵyl kontınentti, Qazaqstan klımatynyń qalyptasýyna negizgi úsh faktor áser etedi: kún radıasıasy, atmosfera sırkýlásıasy, tósenish betiniń sıpaty.
Oqýshylarǵa suraq qoıady: Jer betindegi tirshilik úshin kúnniń qandaı roli bar? Kún radıasıasy uǵymyna anyqtama berip, ólshem birligin aıtady: Radıasıa degenimiz ne?

4. Jańa taqyrypty bekitý kezeńi
Kún radıasıasynyń geografıalyq endik boıynsha taralýyndy oqýlyqtyń 84 - 85 betterindegi Qazaqstan aýmaǵynyń jıyntyq kún radıasıasy kartasymen jumys isteýge tapsyrma beredi:
1. Kartadan Petropavl, Astana, Qaraǵandy, Jezqazǵan, Taraz jáne Shymkent, qalalarynyń jıyntyq kún radıasıasynyń mólsherin anyqtańdar.
2. Qazaqstan aýmaǵyndaǵy 66° merıdıan boıynsha ońtústikten soltústikke qaraı jıyntyq radıasıa mólsheri qalaı ózgeredi?
3. Bir endik boıynda ornalasqan Almaty jáne Vladıvostok qalalarynda jıyntyq radıasıanyń mólsheri ne sebepten ár túrli?
4. Alynǵan faktilerdi paıdalana otyryp jıyntyq radıasıanyń taralý zańdylyqtary týraly qorytyndy shyǵaryńdar.

5. Sabaqty qorytyndylaý kezeńi
1. Qazaqstan klımatynyń qalyptasýyna qandaı faktorlar áser etedi?
2. Kún radıasıasynyń túrleri qandaı?

6. Baǵalaý kezeńi
Sabaq barysynda belsendi qatysyp otyrǵan jáne kartamen jumys istegen oqýshylar baǵalanady.
7. Úıge tapsyrma berý kezeńi
Keskin kartaǵa jıyntyq kún radıasıasyn túsirý.



Tolyq nusqasyn qaraý