InfoHub Logo

Астанада 2026 жылдың 25 сәуірінен бастап жол ережесін бұзған жүргізушілер үшін көліктерін эвакуациялау және арнайы тұрақтарда сақтау ақылы болады. Бұл туралы Астана қаласының көлік және жол-көлік инфрақұрылымын дамыту басқармасының жауабынан белгілі болды.

Бұл туралы Infohub.kz ақпарат агенттігі хабарлайды.

Қазіргі уақытта елордада «Алаш» (701 орын), «Көктал» (803 орын) және «Арғымақ» (1000 орын) атты үш уақытша сақтау орны жұмыс істейді. Олардың жалпы сыйымдылығы – 2504 көлік.

Эвакуация және сақтау тарифтері

Эвакуатордың бір реттік шығуы көлік санатына қарамастан 3 АЕК болады. Ал көлікті сақтау ақысы мынадай:

«Тәулік» деп көлікті қабылдау-тапсыру актісінде көрсетілген уақыттан бастап 24 сағаттық кезең түсініледі.

Әлеуметтік жеңілдіктер қарастырылмаған

Көпбалалы отбасыларға, мүгедектерге немесе жауынгер ардагерлерге арналған жеңілдіктер жоқ. Тариф тек көлік санатына байланысты болады. Көлік басқармасының түсіндіруінше, әлеуметтік қолдау шаралары заңды инфрақұрылымды пайдалануға қатысты, ал бұзушылық үшін жауапкершілік барлығына бірдей.

Көлікті қайтару тәртібі

Көлікті тек бұзушылық себебі жойылып, эвакуация және сақтау ақысы толық төленгеннен кейін ғана алуға болады. Тұрақтар тәулік бойы жұмыс істейді. Көлікті қайтару үшін еркін нысандағы өтініш, бұзушылықты жойғаны туралы құжаттар, жеке куәлік, көлік құралының тіркеу куәлігі, сенімхат (егер меншік иесі емес адам алса) және төлемнің түбіртегі қажет.

14 сәуірдегі мәлімет бойынша, тұрақтарда 2109 көлік бар, бұл жалпы сыйымдылықтың 84%-ын құрайды.