InfoHub Logo

Ормуз бұғазы әлі күнге дейін жабық күйінде қалуда. Бұл жағдай Иранның бұл стратегиялық маңызы бар су жолын ашуға ниетті еместігімен байланысты емес. Америкалық шенеуніктердің The New York Times басылымына берген мәліметінше, Тегеран өзі орнатқан миналардың нақты орналасқан жерін анықтай алмай далбасалап жүр.

Бұл туралы Infohub.kz ақпарат агенттігі хабарлайды.

АҚШ пен Израиль Иранға қарсы әскери іс-қимылдарды бастағаннан кейін, Иран Ислам революциясы сақшылары корпусы арқылы Ормуз бұғазын жедел түрде миналап тастаған. Миналар шағын кемелермен орнатылып, олардың кейбірі ағыспен еркін жүзуі үшін әдейі қалдырылған. Өкінішке орай, кейбір миналардың нақты орналасқан жері тіркелмеген.

Иранның өзі құрған «тұзақ»

Нәтижесінде, Иран өз стратегиясының «тұзағына» түсті. Бұғаз ретсіз миналанып, олардың нақты қайда жатқанын анықтау өте қиынға соқты. Минаны орнату салыстырмалы түрде оңай болғанымен, оны табу және залалсыздандыру – әлдеқайда күрделі процесс. Ал Иранда мұндай ауқымды минадан тазарту жұмыстарын жүргізуге қажетті техникалық мүмкіндіктер жеткіліксіз болып шықты.

Уақытша шешім және төлем

Тегеран бұл мәселеге уақытша шешім тапқандай болды. Ислам революциясы сақшылары корпусы қауіпсіз бағыттарды белгілеп, миналардан айналып өтетін ресми маршруттарды жариялады. Осы бағыттар арқылы жүруге рұқсат алған кемелер белгілі бір төлем енгізуге мәжбүр болды. Ирандық БАҚ-тар бұл қауіпсіз жолдардың карталарын да жариялап үлгерді.