InfoHub Logo

Meta компаниясының басшысы Марк Цукерберг пен әйелі Присцилла Чан Майами маңындағы Indian Creek аралынан 8 мың шаршы метрлік жаңа вилланы сатып алуда. Бұл арал әлемдегі ең бай адамдар шоғырланған, салықтары төмен немесе мүлде жоқ аймақ ретінде танымал.

Бұл туралы Infohub.kz ақпарат агенттігі хабарлайды.

Бұған дейін The Wall Street Journal басылымы Цукербергтің бұл аймақтан шамамен 150-200 миллион долларға бағаланған жаңа үйді сатып алғанын жазған болатын. Ақпаратқа сүйенсек, бұл аралда көптеген миллиардерлер тұрады.

Цукербергтің Калифорниядағы Пало-Альто, Гавайидегі Кауай аралы және Тахо көлі маңында да люкс жылжымайтын мүліктері бар.