InfoHub Logo

Екі шетелдік блогер Алматыда әлеуметтік желіде қазақ қыздарын қорлағаны үшін 15 тәулікке қамауға алынды. Алайда, бұл іс олар үшін тек әкімшілік жазамен аяқталмайтыны белгілі болды. Қазіргі уақытта Қазақстан Республикасы Қылмыстық кодексінің 174-бабы, яғни «Әлеуметтік, ұлттық, рулық, нәсілдік немесе діни алауыздықты қоздыру» бойынша қылмыстық іс қозғалып, тергеу басталды.

Бұл туралы Infohub.kz ақпарат агенттігі хабарлайды.

Бас прокурордың орынбасары Ғалымжан Қойгелдиевтің айтуынша, бұл бұрынғы әкімшілік істен бөлек, жаңа қылмыстық іс болып табылады. Аталмыш баптың 2-бөлігі бойынша, егер бұл әрекеттер бір топ адаммен, алдын ала сөз байласу арқылы, бірнеше рет жасалса, немесе қызмет бабын пайдаланып, шет елдік ақпарат құралдарын қолданып жасалса, онда 5 жылдан 10 жылға дейінгі мерзімге бас бостандығынан айыру жазасы кесілуі мүмкін.

Стримерлердің әрекетіне қатысты

Бұған дейін екі шетелдік стример тікелей эфир кезінде қазақстандық қыздар туралы қорлайтындай пікірлер айтқан болатын. Бұл үзінділер әлеуметтік желіде тез таралып, қоғамда үлкен наразылық тудырды. Социал желідегі толқулардан кейін, жергілікті тұрғындар блогерлермен кездесіп, көпшілік алдында кешірім сұрауды талап етті. Кейіннен құқық қорғау органдары араласып, Алматы полициясы тексеру жүргізіп, екі шетелдікке интернетте ұсақ бұзақылық жасағаны үшін 15 тәулік әкімшілік қамаққа алу жазасын тағайындады.

Басқа стримерлердің реакциясы

Бұл жағдайды стримерлер қауымдастығы да белсенді талқылады. Кейбір блогерлер соттың шешімін қолдаса, енді бірі мұны қылмыс деп санамайтынын мәлімдеді. Осы оқиғаға қатысқандардың бірі өзіне қатысты қудалау мен қорқытуды тоқтатуды өтінді.