InfoHub Logo

Қазақ тілі мен әдебиет сабақтарында оқыту мен оқу үшін бағалаудың маңыздылығы
Мақсаты: Әріптестеріммен тәжірибе алмаса отырып,... жылдам өзгеріп отыратын дүние жағдайларында алынған терең білімнің, кәсіби дағдының негізінде еркін бағдарлай білуге, өзін - өзі іске асыруға, өзін - өзі дамытуға және өз бетінше дұрыс адамгершілік тұрғысынан жауапты шешімдер қабылдауға қабілетті жеке тұлғаны қалыптастыруға үлес қосу.
Қазақ тілі мен әдебиет сабақтарында оқыту мен оқу үшін бағалауды
басшылыққа ала отыра, оқушылардың тілін дамытып, сыни тұрғыдан ойлауға жағдай жасау.
Ресурстар (көрнекілік): слайд, постер, маркер, жұмыс жасауға қажетті тапсырмалар, тәжірибе алмасу мақсатында үлестірмелі материалдар т. б.

Барысы: Кіріспе.
Сұрақ қойған бес минут қана ақымақ болса,
Оны қоймаған өмір бойы ақымақ боп өтеді.
Қытай даналығы.
Ал, Сократ:
«Ұстаздың биігі ойлана қарасаң биіктей береді, үңіле қарасаң, тереңдей береді, қол созсаң қарсы алдыңда, айналсаң артыңда тұрғандай» - десе Абай атамыз
«Тегінде адам баласы адам баласынан ақыл, білім, ар, мінез деген қасиеттерімен озады», - деп айтқан екен. Сондықтан да озық ойлы білімдар адамдар заманның, қоғамның дамуына, өзгеруіне үлесін қосып келеді. Осындай қоғамдық әлеуметтік мәдени өзгерістер, дамулар мектептің оқыту процесіне әсер ететіні сөзсіз.
XXI ғ. көшбасшысы – жаңашыл, ізденімпаз, шебер ұстаз. XXI ғасыр ұстазы бүгінгі күн талабына сай жан - жақты дамыған, өмірге реалистік тұрғыдан қарайтын, терең біліммен қаруланған оқушы тұлғасын сомдау үшін өзі де шеберліктің шыңынан көрінуі тиіс. Қазіргі таңда оқу үрдісінде қазақ тілін оқытуда сан - алуан жаңа әдіс - тәсілдер сапалы білім беруде үлкен рөл атқарады.
Заман талабына сай оқушыларға сапалы, тиянақты білім беру - мұғалімдер алдындағы үлкен міндет. Бұл әрбір мұғалімге тынымсыз ізденісті, оқытудың жаңа формасымен, әдіс тәсілдерін тиімді пайдалануды қажет етеді.
Сол себепті де біз баланы оқыта отырып, ой еркіндігін, белсенділігін, ізденімпаздығын қалыптастырып, өз бетінше шешім қабылдауға дағдыландырамыз. қазір сіздермен бөліскім келіп тұрғаны: қазақ тілі мен әдебиет сабақтарында оқыту мен оқу үшін бағалаудың маңыздылығы. Мен бүгінгі жұмысымызды алдымен біз бір - бірімізге жақсы тілектермен, шынайы ниеттермен бастағым келеді.

Мұғалімдермен жұмыс жоспар бойынша. Ж. Молдағалиев. «Ар - ұят туралы» өлеңі.

Сабақтың тақырыбы: Жұбан Молдағалиев «Ар - ұят туралы» өлеңі
Сабақтың мақсаты
1. Білімділігі: Ж. Молдағалиев жайлы білетін мәліметтерді тыңдай отырып жаңа мағлұматтар алуына жағдай жасау, «Ар – ұят туралы» өлеңінің тақырыбы мен идеясын ашу.
2. Дамытушылығы: Оқушылардың ойлау, есте сақтау қабілеті артады. Шығармашылығын тудырады. Өзіне сын көзбен қараушылық артады, құрбылармен жұмыс істеп үйренген оқушы өзінің қабілетін дұрыс бағалай және жақсы бақылай алуға қалыптасады.
3. Тәрбиелігі: Топтағы ынтымақтастыққа тәрбиеленеді. Ортақ бір тұжырымға келуге дағдыланады. Ар - ұят туралы, адамгершілікке байланысты тәрбие көздерімен сусынданады.
Күту нәтижелері

Түйінді идеялар
1. Ж. Молдағалиевті меңгереді, өлеңі жайлы өз ойларын жеткізе алады.
2. Ар - ұят туралы өлеңінің мағынасын ашып, түйінді ойын айтады.
3. Ар - ұят туралы өздерінің пікір айтады.
Оқушылардың сыни тұрғысынан ойлауын дамыта отырып Ж. Молдағалиевті Ар - ұят туралы өлеңінің сөздерін түсініп, ойға түйе білу.
Жаңа сабақ
А) Сұрақтармен жұмыс түрі. Ұят туралы.
Оқуда сұрақтарды қалай дұрыс қою керек?
Блум түймедағы.
Қарапайым сұрақтар – Бұл сұрақтар нақты деректерді еске түсіріп, жауап беру үшін қойылады
Анықтаушы сұрақтар – алған ақпаратты анықтау үшін бағытталған. «яғни сенің ойынша, бұл... ….», «мен сені дұрыс түсінсем, онда...»
Интерпретациялық сұрақтар (түсіндіруші) белгілі бір мәселелерді шешу барысында жаңа идеяларға итермелеуі мүмкін және түсініксіз іс - әрекеттердің себебін анықтауға көмектеседі (неліктен?)
Бағалаушы сұрақтар(салыстыру) – ойлаудың эмоционалды жағын арттыру үшін бағытталған “Сіз қалай ойлайсыз?»
Шығармашылық сұрақтар(болжам) – «Не болады, егер де,…?»
Тәжірибелік сұрақтар – «Сіз қалай орындар едіңіз …?»Одан не істеуге болады..?

Оқулықпен жұмыс
Ашық - жабық сұрақ.
Ә) Дәлелдер іздестіріп, ұсынуы.
Әңгіменің 3 түрі.
ӘҢГІМЕНІҢ ҮШ ТҮРІ (үлгіні тарату)
1. Әңгіме - дебат барысында:
Ой - пікірлерде үлкен алшақтық болады және әрқайсысы өз шешімдерінде қалады;
Ресурстарды біріктіруге бағытталған аздаған талпыныс жасалады;
қарым - қатынас көбіне «Иә, бұл солай», «Жоқ, олай емес» деген бағытта жүзеге асады;
Орта бірлесуден гөрі, көбіне бәсекелестікке бағытталған.
2. Кумулятивтік әңгіме барысында байқалатын жайлар:
Айтылған пікірлермен тыңдаушылардың әрқайсысы механикалық түрде келісе беруі;
Әңгіме білім алмасу мақсатында жүргізілгенімен, оған қатысушылардың өзгелер ұсынған қандай да болсын идеяларды төзімділікпен тыңдауы;
Идея қайталанады және жасалынады, бірақ үнемі мұқият бағалана бермейді.

Қорытынды, пысықтау.
3. Зерттеушілік әңгіме кезінде:
Барлығы белсенді тыңдайды;
Адамдар сұрақ қояды;
Адамдар тиісті ақпаратпен бөліседі;
Идеяларға дау айта алады;
Дауласуға себеп табылады;
Қатысу алдыңғы тәжірибеге негізделеді;
Барлығының қатысуы ынталандырылады;
Идеялар мен пікірлерге құрметпен қарайды;
Сенім атмосферасы орнайды;
Ортақ мақсат сезімі пайда болады;
Топ бірлескен шешімдер қабылдау үшін келісім іздейді.
Нил Мерсер, 2008

Үйге тапсырма.
Ар - ұят туралы тапсырма
Б) Шешімдер қабылдай алуы. «Ар - ұят туралы»

Кері байланыс: Көңіл күй.
Ж. Молдағалиев Ар – ұят туралы талдау, тақырыпқа сай мақал, ұнаған үзінді жаттау, ұқсас тақырып қарастыру.

СҚО, Тайынша ауданы,
Чкалов селосы, «№2 Чкалов орта мектебі» КММ
Қазақ тілі мен әдебиет пәнінің мұғалімі:
Шауенова Алтын Балгановна