InfoHub Logo

Маңғыстау облысы, Бейнеу ауданы,
«Тәжен мектеп – балабақша кешені»
Бастауыш сынып мұғалімі
Сарсенбаева Бактыгул Аширбаевна

Математика 2 - сынып

Тақырыбы: «Қосу және азайту» 26+30, 56 - 30
Мақсаты: оқушыларға қосу мен азайтудың амалдарын және әдіс - тәсілдерін үйрету арқылы есте сақтау қабілетін дамыту. Бірден жүзге дейінгі сандар жиынын санауды және таңбалауды үйрете отырып, білімдерін шыңдай түсу. Математика пәніне деген қызығушылығын ояту.
Көрнекілігі: мың теңгелік ақша, алма, кәмпиттер, плакаттар, сөзжұмбақ, сағат т. б.
Сабақтың әдіс - тәсілі: сын тұрғысынан ойлау, бақылау, сұрақ - жауап.
Сабақтың түрі: аралас сабақ

Сабақтың барысы.
Ұйымдастыру.
а) амандасу.
ә) назарын сабаққа аудару.
Сұраққа жауап берген оқушыларға 1000 теңгелік ақша беріледі. Бір есеп 1000 тг тұрады. Есептерді орындау үшін алма, кәмпит сатып алады.

Үй тапсырмасын сұрау.
а) 6 - тапсырманы пысықтау.
ә) ондықтармен жүзге дейін санату.
б) саннан (28, 43, 54) кейін келетін санды ата.
в) санның ( 30, 55, 79) алдындағы санды ата.
г) санның (50, 76, 94) көршілерін ата.

Жаңа сабақ.
Сандар қатары (21, 22, 23, 24, 25, 26, 27, 28, 29, 30) берілген.
Сандардың жаңа қатарын құрыңдар, сонда санның ондықтары 3, ал бірліктері алдыңғыдағыдай болсын. Не шықты? Сандардың жаңа қатарын атаңдар. (31, 32, 33, 34, 35, 36, 37, 38, 39, 40)
Зейінділік есеп.
Себетте 9 алма бар еді, оның 2 - еуі жерге түсіп қалды. Себетте неше алма қалды?

Оқулықпен жұмыс.
1 - тапсырма. Суреттерді және жазуларды пайдаланып, қосу мен азайту тәсілдерін түсіндіру.
26+30=
(20+30)+6=56
20+30
Жазуы нені білдіреді?
Ондықтарға ондықтарды қосады.

56 - 30=
(50 - 30)+6=26
50 - 30
Жазуы ше?
Ондықтардан ондықтарды азайтады.

2 - тапсырма. Түсіндіре отырып, тақтаға орындалады.

53+30= (50+ 30)+3
83 - 30=(80 - 30)+3
35+40= (30+40)+5
75 - 40=(70 - 40)+5

50 3
80 3
30 5
70 5

3 - тапсырма. Өзіндік жұмыс. Өрнекті жаз және оның мәнін тап:
а) (20+5)+60=85
(70+9)- 40=39
(60+4)- 40=24
(20+2)+50=72

ә) Теңдеулерді шеш:
6+а=10
a=10 - 6
a=4
6+4=10