Талдықорғандық оқушылар тендердің салдарынан ескі парталарда білім алуда
Талдықорғандағы №16 орта мектеп-гимназиясының оқушылары жаңа оқу жылын тозығы жеткен парталарда қарсы алды. Балалар отырып білім алатын мектеп жиһаздары шетінен үгітіліп жатыр.
Бұл білім шаңырағында 840 оқушы оқып жатыр. Мектеп директоры Салтанат Сүлейменованың айтуынша, олар парталарды 100 пайыз ауыстыру үшін қалалық білім бөліміне тапсырыс берген. Бірақ әлі күнге дейін мектепке жаңа стол орындықтар жеткізілмеген. Ал Талдықорған қаласы әкімінің баспасөз хатшысы Данияр Жаныстың сөзінше, парталардың кешігіп жатқанына тендер мәселесі себеп болыпты.
«Шілде айында берілген тендер ойналмай қалды. Біріншісінде ешкім түскен жоқ. Екіншісінде екі компания түсіп, қаржылық бақылау органдары біреуін алып тастағанның арқасында тағы да ойналмай қалды. Енді үшінші рет біржақты келісім жасалып, алынып жатыр», - деді Д.Жаныс.
Әкімдік өкілінің айтуынша, жаңа парталар бірінші тоқсанның аяғына дейін №16 орта мектеп-гимназиясына жеткізіледі.
ҚазАқпарат
You Might Also Like
-
Жаз. Біріншіні бітіріп, демалысқа шыққанбыз. Ауданнан жарлық кепті: колхозаралық пионер лагері ашылады. Соған сабақты жақсы оқитын үш бала жібересіңдер. Әрқайсысы өзімен бірге бір пұт үн, бір серке...
-
Күн кешке айналса-ақ, шеткі құрым үйдің қасынан күңгірлеген домбыраның қоңыр үні шығады. Домбыра қоқыр күймен ақырын ғана сарнап ызың қағады да тұрады. Оның даусы серпіліп жоғарыға шырқайды. Баяула...
