InfoHub Logo

Тақырыбы: «Тілашар» тойы
Мақсаты: мектепті алғаш аттаған бүлдіршіндердің алғашқы айдағы жеткен жетістіктерін, жеңістерін мерекелеу, өткен күннің нәтижесін көрсете отырып, алдағы уақытқа мақсат қою, ата - ана, ұстаздармен қуаныштарын бөлісу
Өтілу барысы: Тілашар тойы өткен ғасырға саяхат, яғни ХХ ғасырдағы хандықтар мен корольдіктерге саяхат сабағы, корольдіктегі балл образында өтеді.
Мұғалім:
Құттықтау сөз
Адам болар баланың,
Қайтармайық талабын.
Мектепті алғаш аттаған,
Құтты болсын қадамың.

Музыка ойнайды (фанфары)
Балалар ек - екіден маскада қыздардың қолын ұстап кіреді.

Жүргізуші сөзі:
Жол беріңдер, атақты әліппе королі келеді.

Музыка ойнайды.
Король кіреді, балалар бас иеді, король сөз сөйлейді
Құрметті ханымдар мен мырзалар әліппе корольдігінің тілашар балына қош келдіңіздер! Мен Әліппе королі сіздерге жарты жыл бойы басшылық етіп, өз білгенімді үйретіп, әрқашанда ақылымды айтып, нұсқап отырамын. Сендердің міндеттерің айтқанды тыңдап, құлақ салу!!!
Ұрпақпен ұласады мұрат арман,
Бәйтерек бой көтерер құба талдан.
Тойлаңдар, қуаныңдар, ағайындар,
Шалқып қайт, шаттық тойы -
Тілашардан!

Ән «Мектебім» балалар хормен айтады
Музыка ойнайды
Әліппе королінің жарлығы
Тыңдаңыздар! Тыңдаңыздар!
Әліппе королінің бұйрығын тыңдаңыздар!
Қазанның 30 - ыншы жұлдызынан бастап корольдіктегі барлық оқушыларға:
- Көп оқып білімді болуға
- Күнде жақсы баға алуға
- Тәртіп бұзбауға
- Белсенді болуға
- Мектеп ережесін сақтауға
- Басшыны тыңдап бағынуға
- Дәптерді таза ұстауға
- Кітапты жыртпауға бұйырамын!!!
Бұйрық бүгіннен бастап орындалсын!
Кімде – кім бұйрыққа бағынбаса, ережені бұзса жаза қолдансын!!!

Король сөзі: Есеп қисап жағынан не дейсіңдер???

Құрметті Әліппе королі корольдікте 16 оқушы, 11 ұл және 5 қыз бала жұмыс жасайды. 3 парта, 25 оқушы, 2 кітап сөресі, 1 тақта бар. 9 оқулық және 13 жұмыс дәптерімен жұмыс жасаймыз.

Король сөзі: Жақсы, жақсы 1 ай бойы есеп қисапты жақсы меңгеріпсіңдер.
Ендеше серілер алдарыңда менің айдай сұлу қыздарым өз өнерлерін көрсетпек, сендер де жауабын қайтарыңдар.

Әдеби монтаж: Қыздар.
Қолға кітап аламын,
Маржан сүзіп табамын.
Жарқыратып кеудеме,
Жұлдыз етіп тағамын.
Мен мектепке барамын

Өмірімнің көктемін,
Сенде өткізем деп келдім,
Алтын ұям - оқушы:
Армандарым көп менің,
Атқарамын деп келдім,
Асыл анам – мектебім!

Ақылшым асыл ұстазым,
Жолымды айқын нұсқадың
Қасыма кеп қанша сен,
Қамқор боп қалам ұстадың.

Жақсы кітап "Әліппе",
Үйрететін әріпке.
Қуыршақпен қоштастым,
"Әліппемен" достастым.

Мектеп деген білім кені, жыр кені,
Мектеп деген ғылымның ең үлкені.
Мектеп деген тәрбиеші адамға,
Мектеп деген даналардың мекені

Король сөзі: Жарайсыңдар жұлдыздарым, ендеше келіп тапсырма алыңдар, мына сөздерден мақал құрастырып. Мағынасын түсіне біліңдер
Ән «Ұстазым» ұлдар қайырмасында қосылады.