InfoHub Logo

Білім саласы: Шығармашылық
Ұйымдастырылған оқу іс - әрекеті: Жапсыру
Тақырыбы: «Түймедақтар әлемі»
Мақсаты: балаларды көктемгі көрінісін бейнелей білуге үйрету.
Қайшымен жұмыс жасау іскерлігіне баулу. Табиғат тіршілігі жайлы түсініктерін кеңейту.
Қоршаған адамдарға қуаныш сыйлай білуге, қамқор болуға үйрету.
Керекті құралдар: түрлі түсті қағаздар, қайшы, желім, гүлдер, гүлдердің суреті, қуыршақ.
Дәлелдеу.
Тәрбиеші мен балалардың іс – әрекеті.
Тәрбиеші балаларға гүлді ұсынып, осы гүлді бір - біріне сыйлап, жылы сөздерін айту, тілек айту арқылы ұсынады. Гүл шоқтары бірте - бірте көбейіп тәрбиешінің өзіне бір құшақ гүл - тілек шоғы болып оралады - өзгелерге денсаулық тілеп, жақсылық жасасаң, ол өзіңе қайтып оралады деп балаларға түсіндіріп айтылады.
Балалар бір – біріне гүл беріп жылы сөздер айтады.
Тәрбиеші:
Көктемде, көктемде
Күн нұрын төккенде
Көк шыбық былтырғы
Көгерді құлпырды.
- Қай жыл мезгіліне арналған өлең?
- Көктем мезгіліне.
- Өте дұрыс балалар, Қане көзімізді жұмып көктем мезгілін көз алдымызға суреттеп елестетейік.
- Жып - жылы жел соғып тұр. Қар еріп, суға айналып, су топыраққа сіңіп, топырақ жұмсарып, жер бетін жасыл шөп басты. Қылтиып бәйшешек те шыға бастады. Балалар құстарға ұя жасап, ағаштардың бұтағына ілуде. Қайтып келген құстар сайрауда. Мал – жан күннің көзіне шығып шуақтануда. – Енді көзімізді ашамыз - Сонымен бұл қай жыл мезгілі?
- Көктем мезгілі.
- Балалар, мына жерде нені көріп тұрсыңдар?
- Гүлдерді, өсімдіктерді көріп тұрмыз.
- Бәріміз гүлдерді жақсы көреміз бе?
- Ия, жақсы көреміз.
- Балалар, біз балабақшаға келгенде таңертең гүлдерді суарамыз, жапырағының шаңын сүртеміз, ал, кешкісін үйге қайтатын уақытта гүлдерге ауа жұту үшін топырағын қопсытамыз. Өйткені олар тірі табиғатқа жатады.
- Гүлдермен тағы не істеуге болады?
- Гүлдермен сырласуға болады.
- Гүлдер адамдарға не сыйлайды?
- Қуаныш сыйлайды.
Осы кезде есік қағылады. Қонаққа қуыршақ келеді.