InfoHub Logo

Қазақстандықтар үшін маңызды жаңалық! Егер сіз зейнетақы жинақтарыңыздан ақша алуды жоспарлап жүрсеңіз, асығыңыз. Өйткені, 5 маусымнан бастап бұл қаражатты алудың ең төменгі шекті мөлшері өзгереді.

"Отбасы банк" өз клиенттеріне осы жаңалықты ескертіп, қолданыстағы ережелер бойынша өтініш беруді бүгін, яғни 4 маусымға дейін аяқтауға кеңес берді.

Бұл туралы Infohub.kz ақпарат агенттігі хабарлайды.

Зейнетақы жинақтарын алудың жаңа ережелері

Зейнетақы жинақтарын пайдаланудың ең төменгі шекті мөлшері дегеніміз – салымшының зейнетақы шотында қалуға тиіс сома. Бұл шектен асқан қаражатты тұрғын үй сатып алуға, ипотеканы өтеуге немесе басқа да мақұлданған мақсаттарға жұмсауға болады.

Жақында ғана Премьер-министр Олжас Бектенов зейнетақы жинақтарының ең төменгі жеткіліктілік шегін есептеудің жаңа әдістемесін бекіткен болатын. Жаңа ережелер бойынша, есептеу кезінде зейнетақы жинақтарының жылдық кірістілігі 9% және жылдық зейнетақы төлемдерін индекстеу 8% деңгейінде есепке алынады.

Сонымен қатар, жаңа әдістеме бойынша есептелген ең төменгі шекті мөлшер, тиісті жасқа арналған өткен жылғы көрсеткіштен кем болмауы тиіс. Ол болжамды инфляциядан бес пайыздық пунктке жоғары индекстеледі.

Жаңа әдістеме 5 маусымнан бастап күшіне енеді. Осыдан кейін Бірыңғай жинақтаушы зейнетақы қоры (БЖЗҚ) үш жұмыс күні ішінде 2026 жылға арналған ең төменгі жеткіліктілік шегін БАҚ-та және өз сайтында жариялауға міндетті болады.