InfoHub Logo

Америкалық актер Джеймс Хэнди Лос-Анджелесте жасалған шабуыл салдарынан қаза тапты. Бұл туралы жергілікті басылымдарға сілтеме жасап хабарланып отыр.

Бұл туралы Infohub.kz ақпарат агенттігі хабарлайды.

Оқиға 3 маусым күні таңертең Лос-Анджелестің Тарзана ауданында болған. Полицияға «жаңа ғана күнәлі адамды өлтірдім» деген қоңырау түскен. Оқиға орнына келген тәртіп сақшылары 81 жастағы актерді өз үйінің ауласынан пышақ жарақаттарымен тапқан. Хэнди ауруханаға жеткізілгенімен, дәрігерлер оның өмірін сақтап қала алмады.

Күдікті ұсталды

Кісі өлтірді деген күдікпен 44 жастағы Майкл Гледхилл ұсталды. Тергеу барысында Гледхилл өзінің іздеуде жүрген адам екенін мойындаған. Оған кісі өлтіру бойынша айып тағылып, кепіл сомасы 2 миллион доллар көлемінде белгіленді. Кейіннен Гледхиллдің актермен бұрын қарым-қатынаста болған әйелдің ұлы екені анықталды.

Актердің танымалдылығы

Джеймс Хэнди 1980-1990 жылдардағы танымал фильмдер мен сериалдардағы қосалқы рөлдерімен көрерменге жақсы таныс. Ол шығармашылық жолында ондаған кинотуынды мен телехикаяға түскен. Кең аудитория актерді "К-9: Ит жұмысы" және "Джуманджи" фильмдері арқылы да біледі. Оның соңғы ірі жұмыстарының бірі "Топ Ган: Мэверик" блокбастері болды. Бұл фильмде ол бармен Джимми рөлін сомдаған.