InfoHub Logo

Алматы қаласындағы элиталық түнгі клубтардың бірінен есірткі заттары табылып, оның сатылуына тосқауыл қойылды. Бұл туралы қалалық прокуратураның баспасөз қызметі хабарлады.

Бұл туралы Infohub.kz ақпарат агенттігі хабарлайды.

Есірткі айналымына тосқауыл қойылды

Алматы қаласы прокуратурасының үйлестіруімен полиция қызметкерлері жедел-іздестіру шаралары барысында есірткінің заңсыз айналымымен байланысты қызметті тоқтатты.

«Сотқа дейінгі тергеу аясында Медеу ауданындағы элиталық түнгі клубтардың бірінің қызметкері ұсталып, ол жалған сатып алушыға «гашиш» сатқаны анықталды», - деп хабарлады ведомстводан.

Сондай-ақ, мекемені тексеру кезінде ұнтақ тәрізді заттардың іздері мен ақ түсті зат салынған зип-пакет табылғаны айтылды.

Тергеу жалғасуда

Күдікті уақытша ұстау изоляторына тоғындырылды. Сотқа дейінгі тергеу жалғасып жатыр.

Бұған дейін Қазақстан Ішкі істер министрлігі кәмелетке толмағандардың есірткі айналымына тартылуының өршуіне байланысты ата-аналарға үндеу жасаған болатын. Әлеуметтік желілер мен мессенджерлер арқылы жасөспірімдерге «оңай табыс» ұсынылып, оларды есірткі «салушы» рөліне тартуда. Жыл басынан бері елімізде есірткі айналымына қатысы бар 23 жасөспірім ұсталды. Бұл өткен жылдың осы кезеңімен салыстырғанда екі есе көп.