Photo: Fakhri Baghirov (https://www.pexels.com/@fakhri98) / Pexels
Ақтауда жағалауды қайта жаңарту жұмыстары басталды
Ақтау қаласында жағалауды қайта жаңарту және абаттандыру жұмыстары басталды. Жоба аясында 4 шақырымға жуық жағалау аймағы дамытылады.
Бұл туралы Infohub.kz ақпарат агенттігі хабарлайды.
Жобаның мақсаты мен кезеңдері
Жағалауды дамыту жобасы жер қойнауын пайдаланушылардың әлеуметтік міндеттемелері есебінен жүзеге асырылады. Жобада пирстер салу, демалыс аймақтарын абаттандыру, жаяу жүргіншілер жолдарын салу, баспалдақтар мен пандустар, орындықтар мен қоқыс жәшіктерін орнату, көлеңкелі бесіктер тұрғызу және заманауи сәулет элементтерін орналастыру қарастырылған.
Жобаның бірінші кезеңінде «I Love You Aktau» инсталляциясынан бастап жартасты жолға дейінгі 1,5 шақырым аумақты абаттандыру жоспарланған. Құрылыс жұмыстарын бастау үшін арнайы техникалар мен жұмыс күшін жұмылдыру жұмыстары басталды.
Екінші кезеңде «Самал» ықшам ауданынан 7А ықшам ауданына дейінгі аумақты ( «I Love You Aktau» инсталляциясы маңында) қайта жаңарту көзделген.
Қала тұрғындарына үндеу
Ақтау қаласының құрылыс бөлімі жұмыстар жүргізуге байланысты туындауы мүмкін уақытша қолайсыздықтарға түсіністікпен қарауды сұрайды.
Жобаның эскиздері толық дайындалғаннан кейін кейінірек ұсынылатын болады.
-
Еңбек және халықты әлеуметтік қорғау министрлігі жанындағы Қоғамдық кеңес қауіпсіздік техникасы бойынша білімін растай алмаған қызметкерлерді жұмыстан шығару немесе жалақысы төмен лауазымға ауыстыру туралы ұсыныс жасады.
-
Еліміздегі тұрғын үй нарығындағы бағаның өсу қарқыны әр түрлі бағытта дамуда. Жаңа салынған үйлер қымбаттаса, ескі үйлердің бағасы инфляция деңгейіне жақындады.
