tengrinews.kz
Астанада тұрғын үй кешенінде өрт шықты: Зардап шеккендер жоқ
Астанада кешкісін тұрғын үй кешені өртенді. Өрт Есіл ауданындағы Әлімхан Ермеков көшесіндегі 8 қабатты ғимараттың сыртқы қасбетін шарпып, екінші қабаттан төртінші қабатқа дейін тез тараған.
Төтенше жағдайлар министрлігінің баспасөз қызметі хабарлағандай, өрт сөндірушілер келген кезде жалын ғимараттың сыртқы қабырғасын жапқан материалды жалмап үлгерген. Өрт сөндірушілердің жедел әрекетінің арқасында жалын пәтерлерге өтпей, жоғары қабаттарға таралуына жол берілмеді.
"Өртті ауыздықтау кезінде жалынның ғимарат ішіне енуіне және жоғары қабаттарға таралуына жол берілмеді. Өрттің ошағы ғимараттың сыртқы жағында орналасқан болатын", - деп хабарлады ведомство.
Бұл оқиғадан ешкім зардап шеккен жоқ. Өрттің шығу себебі анықталып жатыр.
Бұған дейін Алматыда Әл-Фараби даңғылындағы тұрғын үй кешенінде өрт шыққан болатын. Сол кезде 36 адам, оның ішінде 6 бала құтқарылған еді.
-
Қазақстанға Starlink спутниктік интернетін енгізу жұмыстары белсенді кезеңге өтті. Министрлік пен Starlink өкілдері келісім шарттарының орындалуын және жүйелердің дайындығын тексерді.
-
Қазақстандық қыздарды қорлаған ресейлік стримерлерге қатысты дау ушығып, спортшы Еркебұлан Тоқтар оларға қатаң ескерту жасады.
