InfoHub Logo

Танымал журналист әрі тележүргізуші Динара Сәтжан жақын құрбысы, әнші Баян Мақсатқызы мен оның жұбайы, кәсіпкер Тұрсен Алагөзовтің жаңа шаңырағына ерекше сый жасап, көпшіліктің назарын аударды.

Бұл туралы Infohub.kz ақпарат агенттігі хабарлайды.

Үй емес, нағыз санаторий

Динара Сәтжан желідегі парақшасында жаңа үйдің ауқымы мен жайлылығына қатты риза болғанын жасырмады. Ол үйді жай ғана баспана емес, «нағыз санаторий» немесе «велнес-орталық» деп атады.

«Тұрсен – өте шаруақор, жан-жақты ойлайтын ер адам. Барлығын ұсақ-түйегіне дейін қарастырған. Тіпті балаларға арналған шағын хайуанаттар бағы да бар», – деп жазды ол.

Жайлылық пен жасыл желек

Журналисттің айтуынша, жаңа шаңырақ тек сән-салтанатымен ғана емес, жайлылығымен және отбасылық демалысқа арналған мүмкіндіктерімен ерекшеленеді. Үйдің инфрақұрылымы толықтай ойластырылған: демалыс аймақтары, балаларға арналған кеңістіктер және табиғатқа жақын атмосфера қонақтарға ерекше әсер қалдырған.

Бұл жаңалықты желі қолданушылары да қызу талқылап, жас отбасыға ақжарма тілектерін жаудырды. Көпшілік Динара Сәтжанның сый-сияпатына жоғары баға беріп, оның шынайы көңілін ерекше атап өтті.

Айта кетейік, соңғы уақытта Баян Мақсатқызы мен Тұрсен Алагөзовтің зәулім үйі әлеуметтік желілерде жиі талқыланып, ел ішінде қызу пікірталас тудырып келеді.