InfoHub Logo

Отбасым – өз үйім дарабоз отбасылық сайысы
Мақсаты: Ата - аналар мен балабақша арасындағы байланысты нығайтуға және бала мен ата - ана арасындағы қарым - қатынасты жақсарту аясында, олардың дене қозғалыстарын жетілдіріп, салауатты өмір салтын берік ұстануға тәрбиелеу.
Жүргізуші: Құрметті әріптестер, ата - аналар және балабақша бүлдіршіндері бүгінгі «Дарабоз» отбасылық эстафеталық сайысымызға қош келіпсіздер! Сайысымызды бастамас бұрын балабақша директоры С. Т. Абулгартаеваға сөз кезегін береміз.

Жүргізуші: «Дарабоз»отбасылық сайысында,
Жеңіс үшін бағын сыңап таласуда.
Сайыста әділ баға беретұғын,
Таныстырып өтелік бір әділқазыны да.
1. Балабақша директоры Абулгартаева С. Т
2. Балабақша әдіскері Акжигитова У. М
3. Жаңашыл педагог Дуймбаева Р. А

Жүргізуші: Әр күнді нұрлы таңмен атырамыз,
Сайыстың әр бөлімін бақылаңыз.
Сайысқа қатысатын ата - аналарды,
4 топты отамызға шақырамыз.

1. Педагог қызметкерлер командасы
2. Көмекші тәрбиешілер командасы
3. Тәрбиешілер командасы

Ендеше сайысымыз 4 бөлімнен тұрады.

Жүргізуші: Он күндік іс - шарасы «Ақботада»,
Сәті түсіп «Дарабоз» атанғалы.
Шымыр болып шыныққан отбасы да,
«Тез жүгір» қалыспайық бір - бірімізден – деп I - бөліміміз
«Көңілді мәре» бөлімін бастайық.

Ойын шарты: Кедергілер арасымен, шашақты қолға ұстап, жүгіріп қайту.
1 - ші әкесі қолына шашақты ұстап, кедергілер арасымен жүгіріп келіп, шашақты анасына қолына ұстатады. Анасы да осылай жүгіріп, қолындағы шашақты баласына ұстатады. Қай топ бірінші келсе, сол топ жеңіске жетеді.
(Құралдары: Кеглилер, шашақтар - 4)
Жүргізуші: I бөліміміздің бағаларын берелік.

Жүргізуші: Көңіл қойып қарайық,
«Дарабоз» отбасылық сайысын.
Шынығайық бәріміз,
Эстафеталық сайыстан - деп II - бөліміміз «Жылжымалы шеңбер»

Ойын шарты: Шеңберді алға жылжыту арқылы, межеден айналып кері қайту.
(Құралдары: Кругтар - 8, геометриялық пішіндер.)
Жүргізуші: II - бөліміміздің бағаларын берелік.
Жүргізуші: Біз бақытты жанұя,
Жүгіріп, секіре аламыз.
Көк аспанның астында,
Биікке ұшып самғаймыз дей отыра, III - бөліміміз «Теннисші отбасы» сайысын бастаймыз.
Ойын шарты: Теннистің таяғымен уақ допты домалату арқылы, межеден айнала кері қайту. Ойын әрі қарай осылай жалғаса береді.
(Құралдары: Теннистің таяғы - 4, уақ доп - 4, кедергі - 8)
Жүргізуші: III бөліміміздің бағасын берелік.
Жүргізуші: Ендеше соңғы бөліміміз «Кім шапшаң» сайысын бастаймыз.
Ойын шарты: Ата - аналары қолдарын айқастырып, ортасына балаларын отырғызып, межеден айналып жүгіріп қайту.

Жүргізуші: Соңғы бөліміміздің бағаларын берелік.
Әділқазы орнықтырар әділдікті,
Отбасылар мықтылығы анықталды.
«Дарабоз» отбасылық сайысында,
«Спортшы» атанған отбасы нағыз мықты - деп әділқазыларға сөз кезегін береміз.
Жарысқа қатысқан отбасыларды мадақтап, марапаттады. Осымен бүгінгі отбасылық сайысымыз өз мәресіне жетті. Қош сау болыңыздар!

Маңғыстау облысы, Түпқараған ауданы,
форт - Шевченко қаласы, Баутино ауылы
"Ақбота" балабақшасының дене шынықтыру нұсқаушысы А. Е. Ермекбаева
«Ақбота»балабақшасының әдіскері Ұ. М. Акжигитова