Педагогикалық мамандықты таңдайтын түлектер саны артып келеді — Білім министрі
Елімізде мектеп бітірген түлектердің арасында педагогика мамандығын таңдаушы түлектердің саны артқан. Бұл туралы ҚР Білім және ғылым министрі Асхат Аймағамбетов мәлім етті.
«Өздеріңіз білетіндей Мемлекет басшысының тапсырмасына сәйкес педагогтардың мәртебесі туралы заң қабылданды. Заңға қатысты сын пікірлер де көп болды. Дегенмен заң аясындағы жұмыстар басталып кетті. Атап айтсақ, биылғы ҰБТ (Ұлттық бірыңғай тестілеу) нәтижесінде педагогика мамандығын таңдаған түлектердің саны артып отыр. Сол сияқты педагог мамандықтары бойынша ҰБТ нәтижесінің орташа көрсеткіші өсті. Бұған дейін педагог мамандықтарына 50 балмен түсу мүмкін болса, биыл ол көрсеткіш 70 балды құрап отыр. Сондай-ақ, мектепті Алтын белгімен бітіріп, ұстаздық мамандықты таңдаған түлектердің де үлесі 2 есеге өсті. Бұл дегеніміз педагогика мамандығына деген қызығушылық пен сұраныстың барын көрсетеді», — деді Асхат Аймағамбетов Президенттік жастар кадрлық резерві мүшелерімен кездесу барысында.
You Might Also Like
-
Психобиолог др. Курт Пол Рихтер 1957 жылы Джон Хопкинс университетінде тышқандарға жасаған зерттеуінде «үміт» күшінің, яғни «үмітті үзбеудің» өмірге деген құлшыныс үшін қанш...
-
Бүгін қадір түні. Жер бетінің бүкіл иманды жандары жанына ризық, тәніне саулық және жеке басына ұзақ ғұмыр тілеп мінәжат етпекші. Ал мен Алладан өмір сүру азабынан құтқаруын сұрап құлшылық жасамақш...
