InfoHub Logo

Петропавл қаласының дене шынықтыру пәні мұғалімі Анатолий Висельский екі саусақпен асылып тұрудан Гиннесс рекордтар кітабына енді. Ол италиялық Марчелло Ферридің бұрынғы рекордын 6 секундтан астам уақытқа жаңартты.

Бұл туралы Infohub.kz ақпарат агенттігі хабарлайды.

Жаңа рекорд

Анатолий Висельский асылып тұрудан 2 минут 7,45 секунд нәтиже көрсетті. Бұған дейінгі рекорд иесі Марчелло Ферри 2 минут 1 секунд қана ұстай алған.

Спортшының айтуынша, рекорд бұдан жарты жыл бұрын орнатылған, алайда сертификатын ол кеше ғана алған. Рекордтық уақытта сертификат алу үшін 500 еуро төлеу қажет болған, ал арнайы комиссия шақыру үшін 11 мың еуро сұралған.

Спортқа деген құштарлық

Петропавлдағы мектептердің бірінде жұмыс істейтін мұғалім бала кезінен футбол, баскетбол, волейболмен айналысқан. Сондай-ақ, жаттығу залында көп уақыт өткізіп, түрлі жаттығуларды орындаған. Алайда, Гиннесс кітабына ену идеясы кездейсоқ пайда болған.

«Интернеттен асылып тұру және саусақтармен тартылу бойынша рекордтарды көргенде, мен олардың кейбірін жаңарта алатынымды түсіндім. Болашақта екі және төрт саусақпен тартылу, сондай-ақ бір сағат ішінде қанша рет тартылу бойынша да рекорд орнатуды жоспарлап отырмын», - дейді Анатолий.

Қаржылық жағы

Анатолий Висельский әзірге мұғалім жалақысымен өмір сүріп жатқанын айтады. Гиннесс рекордтары үшін тікелей төлем жоқ. Алайда, бұл жетістік оған медийлік қолдау мен әлеуметтік желідегі жазылушылардың санын арттыруға көмектеседі, бұл болашақта қосымша табыс әкелуі мүмкін.

Сонымен қатар, мұғалімнің жетістіктері шәкірттеріне де әсер етеді. Оның айтуынша, қазірдің өзінде оның тәрбиеленушілері арасында облыстық деңгейдегі баскетбол, жеңіл атлетика, кросс және қысқы президенттік көпсайыс бойынша чемпиондар бар.

«Балалар менің рекордтарыма өте жақсы қабылдады. Олар мотивация алып, көпшілігі тартылу және иыққа көтеру жаттығулерімен айналыса бастады», - деп бөлісті ол.