InfoHub Logo

Еліміздің ауыл шаруашылығы саласына жаңа басшы келді. Таласбек Канафин Қазақстан Республикасы Ауыл шаруашылығы вице-министрі болып тағайындалды. Бұл маңызды лауазымға тағайындалу – саланың дамуына жаңа серпін береді деп күтілуде.

Бұл туралы Infohub.kz ақпарат агенттігі хабарлайды.

Таласбек Канафин кім?

Жаңа вице-министр 1986 жылы Қарағанды облысында дүниеге келген. Қарағанды мемлекеттік техникалық университетін тамамдаған. Еңбек жолын 2008 жылы Астана қаласындағы «Астықжан-Қарағанды» ЖШС-да жүйелік әкімші болып бастаған.

Мансап жолындағы кезеңдер

2009-2016 жылдары «Ұлттық ақпараттық технологиялар» АҚ құрылымында әртүрлі лауазымдарды атқарды. Ол бас маманнан бастап, жоба жетекшісі қызметіне дейін өсті.

2017-2019 жылдары ҚР Қорғаныс және аэроғарыш өнеркәсібі министрлігінің Мемлекеттік материалдық резервтер комитетінің «Резерв» РММ-де ақпараттық технологиялар бөлімінің бастығы, бас директордың орынбасары қызметтерін атқарды.

2019-2024 жылдары ҚР Сыртқы істер министрлігінде қызмет етті. Мұнда ол әкімшілік жұмыстар және бақылау департаменті директорының орынбасарынан бастап, цифрландыру департаменті директорының орынбасарына дейінгі лауазымдарды иеленді. 2020 жылдың ақпанынан бастап осы күнге дейін Сыртқы істер министрлігінің цифрландыру департаментін басқарып келді.