InfoHub Logo

Әлемге танымал әнші Димаш Құдайберген Instagram парақшасында қазақ әдебиетінің аңыз тұлғасы, марқұм ақын Мұхтар Шахановпен бірге түскен суретін бөлісті. Бұл жазба көпшіліктің ыстық ықыласына бөленіп, ел жүрегін елжіретті.

Бұл туралы Infohub.kz ақпарат агенттігі хабарлайды.

Аңыз адаммен...

Димаш Құдайберген суретті «Аңыз адаммен...» деп атап, ақынға деген терең құрметін білдірді. Бұл сурет әншінің шетелдік тыңдармандарының да назарынан тыс қалмады. Олар бұл тарихи сәттің маңыздылығын атап өтіп, Димаштың ақынға деген сыйластығына ризашылықтарын білдірді.

Желі қолданушыларының пікірлері

Әлеуметтік желідегі пікірлерде көпшілік бұл суретті «өткен заман мен жаңа заманның аңыз адамдары» деп атады. Тыңдармандар Димаштың ақынның батасын алған асыл ұл екенін айтып, оның бақытты болуын тіледі. Сондай-ақ, Мұхтар Шахановтың шынайылық пен қайсарлыққа жетелейтін өлеңдерінің жастарға үлгі екендігін атап өтті. Желі қолданушылары Димаштың әлем таныған тұлғаға айналғанын, қазақтың бетке ұстар азаматы ретінде аман жүруін тілеп, аңыз адамды еске алып, құрмет көрсеткені үшін алғыстарын жеткізді.