InfoHub Logo

ЕГЕР ҚАЛАҒЫҢЫЗ КЕЛСЕ

1. Азға – қанағат;
2. Барға – тәубе;
3. Жоққа – сабыр;
4. Тойсаң – тоба;
5. Ауырға – төзім;
6. Жақсылыққа – алғыс;
7. Жамандыққа – қарғыс;
8. Болашаққа – сенім;
9. Жетістікке – үміт;
10. Өткенге – салауат;
11. Қалғанға – береке;
12. Басқа – амандық;
13. Денге – саулық тілеңіз.

 

ЕГЕР САҚТАНҒЫҢЫЗ КЕЛСЕ

1. Достың күлкісінен сақтан;
2. Дұшпанның табасынан сақтан,
3. Жаманың жаласынан сақтан;
4. Пәлеқордың пәлесінен сақтан;
5. Астың аласынан сақтан;
6. Ұшынған өрттен сақтан;
7. Дауасыз дерттен сақтан;
8. Тасыған судан сақтан,
9. Екі жүзді қудан сақтан,
10. Шайтанның азғыруынан сақтан,
11. Арақтың аздыруынан сақтан;
12. Аса байлықтан сақтан;
13. Сайқал қатыннан сақтан;
14. Есуас әкімнен сақтан;
15. Ата-анаға – кінәлі болудан сақтан;
16. Дін алдында күнәлі болудан сақтан.

 

ЕГЕР АЛҒЫҢЫЗ КЕЛСЕ

1. Жұрттың алғысын;
2. Қарттың батасын;
3. Кішінің сәлемін;
4. Көптің сенімін;
5. Тәлімдіден тәрбие;
6. Ғалымнан ғылым, білім;
7. Жомарттан байғазы;
8. Мәрттен сүйінші;
9. Жерден – қуат;
10. Көктен – нұр алыңыз.

 

ЕГЕР БЕРГІҢІЗ КЕЛСЕ

1. Қуансаң – той;
2. Қорықсаң – «ақсарбас»;
3. Шошысаң – құдайы;
4. Ауырсаң – садақа;
5. Байсаң – шүлен;
6. Оразада – пітір;
7. Малдан – зекет;
8. Олжаңнан – тәбәрік;
9. Шөлдегенде – су;
10. Шалдыққанға – көлік беріңіз.

әзірлеген

Бегімхан КЕРІМХАНҰЛЫ

Павлодар қаласы

 

---