InfoHub Logo

Иран ядролық қарудан бас тартуға және Израильге соққыларын тоқтатуға дайын екенін мәлімдеді

Иран билігі Таяу Шығыстағы шиеленісті бәсеңдетуге ниетті. Елдің Сыртқы істер министрі Аббас Аракчи Иранның ядролық қарудан бас тарту туралы келісімге қол қоюға дайын екенін жариялады.

Министрдің айтуынша, Тегеран Израиль тарапы агрессиясын тоқтатса, әскери шабуылдарын доғаруға әзір. Бұл мәлімдеме Таяу Шығыстағы тұрақсыздық ушыққан тұста жасалды.

«Біз ядролық қаруға ие болу ниетінен біржола бас тартуға дайынбыз. Сонымен қатар, Израиль Иранға қарсы соққыларын тоқтатса, біз де жауап шабуылдарын доғарамыз», – деді Аракчи халықаралық БАҚ өкілдеріне берген сұхбатында.

Бұл Иран тарапынан жасалған сирек кездесетін бейбіт ұсыныстардың бірі ретінде бағаланып отыр. Сарапшылар бұл қадам Таяу Шығыстағы шиеленісті бәсеңдетуге үлес қосуы мүмкін екенін айтуда.