InfoHub Logo

⠀
Жолда келе жатып полиция қызметкері тоқтатса, сабырлы болыңыз. Бұл – жай тексеріс не заңбұзушылыққа күмән туындаған жағдай. Міне, осындай сәтте не істеу керек:
⠀
1. Тоқтау:
Полиция белгі берген сәтте көлікті қауіпсіз жерге тоқтатыңыз. Айналада бөгет жасамауға тырысыңыз.
⠀
2. Терезені ашып, амандасу:
Өзіңізді сыпайы ұстаңыз. Полиция қызметкерімен амандасып, оның өзін таныстыруын күтіңіз. ҚР заңына сәйкес, ол өзінің аты-жөнін, лауазымын айтуы және қызметтік куәлігін көрсетуі тиіс.
⠀
3. Құжаттарды сұраса:
Полиция жүргізуші куәлігіңізді, көліктің тіркеу құжатын, сақтандыру полисін сұратуға құқылы. Талап етсе, құжаттарды қолына емес, ашық түрде көрсету жеткілікті.
⠀
4. Себебін сұраңыз:
Егер тоқтату себебі түсініксіз болса, полициядан нақты не үшін тоқтатқанын сұраңыз. Ол заңды түрде себеп айтуы тиіс.
⠀
5. Құқықтарыңызды біліңіз:
Полиция заңсыз әрекетке барса (қысым, рұқсатсыз тексеру, дөрекілік), әрекетін видеоға түсіруге құқыңыз бар. Бірақ видео түсіру этикалық және заң аясында болуы керек.
⠀
6. Протокол талап етіңіз:
Егер айыппұл салынатын болса, хаттама толтырылуы керек. Онда өз пікіріңізді жазып қалдыруға мүмкіндігіңіз бар.
⠀
7. Сабыр сақтаңыз:
Ешқашан дауласуға, ашулануға жол бермеңіз. Жолдағы мәдениет пен құқықтық сауаттылық – өз қауіпсіздігіңіздің кепілі.
⠀