InfoHub Logo

Тақырыбы: Қазақстан Ұлы Отан соғысы жылдарында

Сабақтың мақсаты:
а) Білімдік: Халықтар бірлігінің күні, жерлестеріміздің ерліктерін, тылдың майданға көмегі, ұлтаралық қатынастар маңызын ашу. Оқушыларға отаншылдық, патриоттық тәрбие беру. Баланың еліне, жеріне деген сүйіспеншілігін арттыру;
б) Дамытушылық: деректер мен зерттеулерді өз бетінше оқып, қажетіне сай пайдалану дағдыларын дамыта отырып, тарихи фактілерді саралай білу, шығармашылықпен жұмыс істеуді қалыптастыру;
ә) Тәрбиелік: Ұлы Жеңістің тарихи маңызын танып - білуге, батырларды құрметтеп, ерліктерін паш етуге, ұлтжандылыққа, Отансүйгіштікке тәрбиелеу;
Сабақтың түрі:
Сабақтың әдісі: интерактивті әдістер, топтармен жұмыс, сұрақ - жауап;
- оқушыға ерік беру – проблемалық ізденіс – жүйелік тәсіл, т. б.
Сабақ көрнекілігі:
- карта: дүние жүзі картасы, слайдтар;
- технологиялық жабдық: интерактивті тақтадан тірек - сызба – «Халықтар бірлігінің күні», «Батыр жерлестеріміз», «Тылдағылар»;
- суреттер: соғысқа қатысты суреттер, Б. Момышұлының, Әлия, Мәншүк портреттері;
- кітап көрмесі
Пәнаралық байланыс: Дүние жүзі тарихы, әдебиет, сурет.
Тірек ұғым: Қазақстан Ұлы Отан соғысы жылдарында.
Сабақтың эпиграфы: «Бұл күн – сол бір қанды қырғыннан қайтпай қалған қыршын боздақтардың асқақ рухтарының аспандайтын күні. Бұл күн - әділеттің әділетсіздікті жеңген күні. Бұл күн – бүгінгі ұрпақтардың соғыс ардагерлері сыйлаған бейбіт даму жолын одан әрі жалғастырып жатқан күн».
Н. Ә. Назарбаев

Сабақ барысы:
Балалар 4 топқа бөлініп отырады: І топ – «Халықтар бірлігінің күні»;
ІІ топ – «Батыр жерлестеріміз»;
ІІІ топ – «Тылдағылар»;
ІҮ топ – «Шығармашылық».

Кіріспе: Құрметті қонақтар – Тарих тізбегіндегі адамзат басынан өткізген соғыстың ең сұрапылының біткеніне де, міне 64 жыл өтті. Бұл халықтар бірлігінің жеңісі, бұл тылда қалған аналар мен балалардың жеңісі болды. Бұл соғысты әлем халқы сұрапыл соғыс деп мойындады. Себебі, ол адам баласының қол жеткізген техникалық, білімдік, ғылымдық табыстарының ең соңғы жетістігінің соғысы болды.
Жеңіс қандай тамаша қол жеткізген,
1417 күн мен түн өткізген.
Майданмен тылды біріктіріп,
Жауынды қуып тықтың келген ізбен.
Құрметті қонақтар бүгінгі Жеңіс күніне арналған кешімізді оқушылар өздерінің баяндамалары мен схемалары, шығармашылығы арқылы жалғастырады.