InfoHub Logo

Химиялық реакциялардың типтері
Химия 8 класс
Сабақтың мақсаты: алғашқы химиялық ұғымдар туралы түсінікті қалыптастыруды жалғастыру
Білімділік: Химиялық реакциялардың типтері туралы білімдерін қалыптастыру
Дамытушылық: Бұрын алған білімдерін жаңа тақырыпты игеру барысында пайдалана білу, теңдеу құрастыру, танымдық қабілеттерінің белсенділігін арттыру;
Тәрбиелік: оқушылардың пәнге қызығушылығын арттыру, ізденімпаздыққа, жауапкершілікке, ұйымшылдыққа тәрбиелеу.
Сабақ түрі: Жаңа сабақты меңгерту, алған білімдерін пысықтау
Сабақтың көрнекілігі: Интерактивті тақта, слайдтар, тест тапсырмалары, жауап парақтары, сынауықтар, қысқыш, спиртшамы, темір және күкірт ұнтақтары, магний ұнтағы, кальций оксиді, су, калий перманганаты, газ өткізгіш түтік, ағаш жаңқасы, смайлик.
Сабақтың әдісі: ауызша баяндау, зертханалық көрсетілімдер, зерттелім арқылы өздік және топпен жұмыс.
Пәнаралық байланыс: математика, физика, информатика

І. Ұйымдастыру кезеңі: (№1 слайд)
ІІ алғы сөз (№2 слайд)
Бізді қоршаған денелердің барлығы заттардан құралған. Олар өзіндік құпиялылығымен тіршілік етуде. Заттар бір - бірімен әрекеттесу арқылы өздерінің құрамын және қасиетін өзгертеді. Заттардың алуан түрлігісіз және химиялық реакциясыз тіршілік мүмкін емес. Адамзаттың мақсаты заттарды зерттей отырып, алған білімдерін өз игілігіне жарату. Бүгін біз сиқырлы да ғажайып әлемнің сырын зерттеуді әрі қарай жалғастырамыз.
Оқушыларды 4 топқа бөліп, әр топтың ассистенттері болады.
Оқушыларға топтың бағалау парағы үлестіріледі сабақ барысында оқушылар бірін – бірі бағалап отырады

Ақтөбе қаласы, № 53 орта мектептің
химия және биология пәні мұғалімі
Жилибаева Галия Муратбаевна