InfoHub Logo

Белгілі әнші Ақбота Керімбекова телебағдарлама қонағы болып, жеке өмірі мен анасының айтқан ақыл-кеңесі туралы тебіреніспен әңгімеледі. Сұхбат барысында өнер иесі өткен өмір жолын еске алып, толқып, көзіне жас алған сәті көпшіліктің жүрегін елжіретті.

Бұл туралы Infohub.kz ақпарат агенттігі хабарлайды.

Өнерден бас тартуды ойламаған

Әншінің айтуынша, өмірінде түрлі қиындықтар мен сынақтар болғанымен, ол ешқашан өнерден бас тартуды ойламаған. Осындай сәттерде анасының айтқан сөздері оған әрдайым күш бергенін жеткізді.

Ақбота Керімбекова анасының бірде: «Өнеріңді тастама. Халықтың ықыласы — саған берілген үлкен сый» деп айтқанын еске алды. Әншінің сөзінше, дәл осы ақыл оған талай қиын кезеңнен өтуге көмектескен.

«3 баламның жарығы шығар»

Бағдарлама барысында ол балалары туралы сөз қозғап, бүгінде бар өмірінің мәні солар екенін айтты.

«Мен ешнәрсеге өкінбеймін. Өмірде не көрдім, соның бәрі маған сабақ болды. “3 баламның жарығы шығар” деп ойлаймын. Солардың амандығы үшін бәріне дайынмын», — деді әнші көзіне жас алып.

Өнер иесі отбасы мен ана болудың жауапкершілігі өзіне көп нәрсені үйреткенін де жасырмады. Оның айтуынша, әйел адам кейде сырттай мықты көрінгенімен, ішінде үлкен сезім мен ауырлықты арқалап жүреді.

Желідегі пікірлер

Сұхбаттан кейін желі қолданушылары әншіге қолдау білдіріп, оның шынайылығы мен сабырын ерекше атап өтті. Көпшілік Ақбота Керімбекованың өмірге деген көзқарасына тәнті болғандарын жазуда.