tengrinews.kz
Қырғызстанда "Вазелин" лақап атымен танымал тұлға ұсталды
Қырғызстанда Бішкек қаласы бойынша Ұлттық қауіпсіздік мемлекеттік комитеті (ҰҚКБ) басқармасының бұрынғы басшысы Эльдар Жакыпбековтің жақын серігі, "Вазелин" лақап атымен танымал тұлға ұсталды. Бұл туралы жергілікті БАҚ-қа сілтеме жасап 24.kg хабарлады.
Қырғызстан Ішкі істер министрлігінің бас басқармасының қызметкерлері Чүй облысы бойынша ҰҚКБ тергеушісін ұстаған. Оның аты-жөні – Ұлан. Ол Эльдар Жакыпбековтің сенімді серігі саналған.
Ұсталған тұлғаның не үшін күдікке іліккені әзірге нақтыланбаған. Алайда, бұл жағдай Қырғызстандағы соңғы уақыттағы ірі кадрлық өзгерістер мен саяси тартыстар аясында орын алып отыр.
Естеріңізге сала кетейік, бұған дейін, 15 ақпанда Бішкек қаласы бойынша ҰҚКБ бас басқармасының бұрынғы бастығы Эльдар Жакыпбеков ұсталып, уақытша тергеу изоляторына қамалған болатын. Оның ісімен Әскери прокуратура айналысуда.
Бұған қоса, соңғы апталарда Қырғызстанда бірқатар жоғары лауазымды тұлғалар қызметінен босатылды. Солардың қатарында Ұлттық қауіпсіздік мемлекеттік комитетінің төрағасы қызметінен босатылған Камчыбек Ташиев те бар. Оның жақын айналасындағылар президент сайлауын қайта өткізуге ықпал етуге тырысқаны туралы ақпарат тараған.
-
Қазақстан Республикасының Еңбек және халықты әлеуметтік қорғау министрлігі 2030 жылға дейінгі кезеңге арналған зейнетақы төлемдерінің болжамды мөлшерін жариялады. Минималды зейнетақы мен базалық зейнетақы төлемдерінің өсуі қандай болады?
-
Қазақстандық "Курсив" басылымы Freedom Holding компаниясы мен оның негізін қалаушы Тимур Тұрловқа қарсы 7 жыл бойы жүргізіліп жатқан ақпараттық шабуылдың ауқымы мен шығынын талдады. Шабуылдың жалпы құны 20 миллион доллардан асуы мүмкін.
