InfoHub Logo

Трамп: АҚШ-тың Қорғаныс министрлігін уақытша «Соғыс министрлігі» деп атау керек!
– деп хабарлайды Infohub.kz.

АҚШ президенті Дональд Трамп Қорғаныс министрлігінің атауын уақытша «Соғыс министрлігі» деп өзгертуді ұсынды. Бұл туралы ол жақтастары алдында сөйлеген сөзінде айтты.

«Мүмкін біз оны бір-екі апта бойы осылай атайтын шығармыз, өйткені қазір өзімізді жауынгер ретінде сезінеміз. Бұрын оны “соғыс министрі” дейтінбіз. Ақ үйдің жанындағы ескі ғимаратта кезінде соғыс министрі отырған. Кейін біз атауды саяси тұрғыдан дұрысы – “қорғаныс министрі” деп өзгерткенбіз», – деді Трамп.

Ол бұл ұсынысын әзіл мен ностальгия аралас үнде айтты. Дегенмен, Трамптың сөздері АҚШ-тың қазіргі әскери саясатына қатысты көзқарасын білдіруі мүмкін. Саяси шолушылар бұл мәлімдемені оның агрессивті ұстанымдарының көрінісі деп бағалауда.