Ақтауда ерлікпен қаза тапқан Ерлан Шонтабаевтың отбасына пәтер берілді
Ақтауда ерлікпен қаза тапқан Ерлан Шонтабаевтың отбасына пәтер берілді
26 шілдеде Каспий теңізінде адамдарды құтқару кезінде қайтыс болған Ерлан Шонтабаевтың отбасына жаңа үш бөлмелі пәтердің кілті табысталды. Бұл туралы жергілікті билік хабарлады.
Марқұм суға шомылуға тыйым салынған аумақта теңізге ағып бара жатқан екі қызды аман алып қалған. Алайда үшінші ер адамды құтқаруға ұмтылғанда, қатты толқынның салдарынан өзі жағаға қайта шыға алмай, көз жұмды.
Ерлігімен ел есінде қалған азаматтың артында отбасы қалған еді. Жергілікті әкімдік батырдың отбасына материалдық көмек көрсетіп, жаңа баспана берді.
Марқұмның ерлігі жұртшылықтың жүрегін тебірентіп, әлеуметтік желіде қолдау мен алғыс пікірлер қарша жауған еді.
You Might Also Like
-
Каспий теңізінің жағалауында Иран ерекше форматтағы әскери жаттығу ұйымдастырып, халықаралық қауымдастықтың назарын аударды. Елдің Мазендаран және Гүлстан провинцияларында өткен бұл шарада Ислам ре...
-
Елімізде жоғары білім сапасына қатысты кең ауқымды қоғамдық сауалнама басталды. Бұл бастаманы Қазақстан Республикасының Жоғары аудиторлық палатасы қолға алды. Негізгі мақсат – жоғары оқу орындарыны...
