InfoHub Logo

Америкалық актер Джеймс Хэнди Лос-Анджелестегі шабуылдан қаза тапты. Бұл туралы Infohub.kz ақпарат агенттігі хабарлайды.

Басылымның мәліметінше, 3 маусым күні таңертең полиция Тарзана ауданына шақырту бойынша келген. Оқиға орнында құқық қорғаушылар 81 жастағы актерді үйінің ауласынан пышақ жарақатымен тапқан.

Хэнди ауруханаға ауыр жағдайда жеткізілгенімен, дәрігерлер оны құтқара алмады. Қазіргі уақытта күдікті ретінде 44 жастағы Майкл Гледхилл ұсталды. Тергеу мәліметтері бойынша, ол өзінің іздеудегі адам екенін полицияға өзі хабарлаған. Ол кісі өлтіру бабымен айыпталып, екі миллион доллар кепілдік сомасы белгіленді.

Америкалық БАҚ-тың хабарлауынша, Гледхилл актермен бұрын қарым-қатынаста болған әйелдің ұлы болып шықты.

Актердің танымал рөлдері

Джеймс Хэнди өзінің мансап жолында ондаған фильмдер мен сериалдарға түскен. Ол әсіресе 80-90 жылдардағы танымал фильмдер мен сериалдардағы екінші пландағы жарқын рөлдерімен көрермен есінде қалды. Актердің ең танымал жұмыстарының қатарында "К-9: Иттің жұмысы" және "Джуманджи" фильмдері бар. Соңғы ірі жұмысы ретінде "Топ Ган: Мэверик" блокбастерінде бармен Джимми рөлін сомдаған.